पाल्पा । पाल्पाको रामपुरमा जारी प्रथम लुम्बिनी कप राष्ट्रिय महिला भलिबल प्रतियोगिता-२०८० को उपाधिका लागि नेपाल एपिएफ र बागमती प्रदेश भिड्ने भएका छन् । पहिलो सेमिफाइनलमा एपिएफले कोशी प्रदेशलाई तथा दोस्रो सेमिफाइनलमा बागमतीले लुम्बिनी प्रदेशलाई पराजित गर्दै फाइनलमा प्रवेश गरेका हुन् ।
पहिलो सेमिफाइनलमा एपिएफले कोशी प्रदेशलाई २५-६, २५-७, २५-३ ले सहजै पराजित गरेको थियो । खेलमा एपिएफकी सरस्वती चौधरी प्लेयर अफ द म्याच हुनुभयो । यसैगरी दोस्रो सेमिफाइनलमा बागमतीले लुम्बिनीलाई २५-१५, २५-८, २५-१८ ले पराजित गरेको हो । खेलमा बागमतीकी सुमित्रा रेग्मी प्लेयर अफ द म्याच हुनुभयो ।
पाल्पा जिल्ला भलिबल संघको आयोजना, प्रदेश खेलकुद परिषद् लुम्बिनी मुख्य प्रवद्र्धन प्रायोजक तथा नेपाल भलिबल महासंघको संयोजनमा शुक्रबारबाट प्रतियोगिता-२०८० सुरु भएको हो । प्रतियोगिताको फाइनलमा विजेताले दुई लाख ५० हजार, दोस्रोले एक लाख ५० हजार, तेस्रो ७५ हजार र चौथो हुने टोलीले ३५ हजार रुपैयाँ प्राप्त गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच