काठमाडौं । मैत्रीपूर्ण टी-२० क्रिकेटमा नेपाल घरेलु टोली हङकङसँग पराजित भएको छ । शनिबार भएको खेलमा नेपाल ७३ रनले पराजित भएको हो । हङकङले दिएको २१३ रनको लक्ष्य पछ्याएको नेपाल १६.४ ओभरमा १३९ रन बनाउँदा अलआउट भयो ।
नेपालका आठ ब्याटरले दोहोरो अंकको स्कोर छुन सकेनन् । नेपालको मध्यक्रम र अन्तिमका ब्याटर लामो समय क्रिजमा टिक्न सकेनन् । ओपनर विनोद भण्डारीले बनाएको ४२ रन नै सर्वाधिक रहृयो । आरिफ शेखले ३८ र कप्तान रोहित पौडेलले ३० रन बनाउनुभयो ।
नेपाललाई कम स्कोरमा रोक्न एजाज खानले चार विकेट लिनुभयो । इन्सान खानले तीन विकेट लिनुभयो भने अतिक इकवाल र नर्सुला रानाले समान एक विकेट लिनुभयो ।
त्यसअघि हङकङको मोङ ककस्थित मिसन ग्राउण्डमा नेपालले टस जितेर फिल्डिङ रोजेपछि ब्याटिङ गरेको घरेलु टोलीले निर्धारित २० ओभरमा ६ विकेटको क्षतिमा २१२ रनको योगफल तयार पारेको थियो ।
पाँचौँ विकेटका लागि बाबर हायात र एजाज खानले ९५ रनको साझेदारी गरेपछि नेपालले विशाल लक्ष्य पाएको हो । बाबर ११० रन बनाउँदा क्याच आउट हुनुभयो । ४९ बलमा एक चौका र १३ छक्का हान्नुभएका बाबर आकाश चन्दको बलमा कप्तान रोहित पौडेलको हातबाट क्याच आउट हुनुभयो । एजाज खान २१ रनमा नटआउट रहनुभयो ।
ओपनर मार्टिन कोट्जे ३१ रन बनाउँदा क्याच आउट हुनुभयो । २१ बलमा पाँच चौका र एक छक्का हान्नुभएका मार्टिन आकाशको बलमा प्रतिश जिसीको हातबाट आउट हुन पुग्नुभयो । कप्तान निजाकत खान शून्य रनमा नै आउट हुनुभयो ।
अन्सी रथ ३९ रन बनाउँदा प्रतिश जिसीको बलमा गुलशन झाको हातबाट क्याच आउट हुनुभयो । जानी आंकिसन शून्य रनमा नै रशिद खानको बलमा एलबिडब्लु धरापमा पर्नुभयो । यासमी मुर्तजा शून्य रनमा नै आउट हुनुभयो ।
टी-२० आईको डेब्यु खेलमा नै आकाश चन्दले तीन विकेट लिनुभयो । उहाँले तीन ओभरमा २७ रन खर्चनुभयो । आरिफ शेख, रशिद खानले समान एक विकेट लिनुभयो ।
त्रिकोणात्मक सिरिज खेल्न नेपाली टोली बिहीबार हङकङ गएको थियो । नेपाल, हङकङ र पपुवा न्युगिनीबीच आज (आइतबार)देखि त्रिकोणात्मक टी-२० आई सिरिज सुरु हुँदैछ । त्यसअघि नेपालले शनिबार हङकङसित एउटा मैत्रीपूर्ण खेल खेलेको हो । त्रिकोणात्मक सिरिजमा नेपालले पहिलो खेल आज हङकङसँग खेल्नेछ ।
यस्तै, नेपालले फागुन २९ गते पपुवा न्युगिनीसँग खेल्नेछ । फागुन ३० गते त्रिकोणात्मक सिरिजको फाइनल खेल हुनेछ ।
नेपाली टोलीमा रोहितकुमार पौडेल (कप्तान), कुशल भुर्तेल, विनोद भण्डारी, गुलशन झा, सन्दीप जोरा, आरिफ शेख, विवेक यादव, रशिद खान, करण केसी, सागर ढकाल, प्रतिश जिसी, लोकेश बम, आकाश चन्द र अविनाश बोहोरा हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच