काठमाडौं । देशभरका ढुवानी व्यवसायीको छाता संगठन ढुवानी व्यवसायी महासंघ नेपालको छैटौँ महाधिवेशन तथा १५औँ वार्षिक साधारणसभा चैत ३ गते काठमाडौंमा हुुने भएको छ । साधारणसभा कानुन, न्याय तथा संसदीय मामिलामन्त्री पदम गिरीको प्रमुख आतिथ्यतामा हुने महासंघका महासचिव अरुणकुमार श्रेष्ठले जानकारी दिनुभयो । श्रेष्ठका अनुसार महाधिवेशन तथा वार्षिक साधारणसभामा देशभरबाट तीन सयभन्दा बढी ढुवानी व्यवसायी तथा प्रतिनिधिको सहभागिता रहनेछ ।
राष्ट्र निर्माणको आधार, सुरक्षित ढुवानी समृद्ध व्यापार भन्ने नारालाई आत्मसात् गर्दै देशभरका ढुवानी व्यवसायी एकीकृत गर्ने र व्यवसायीको समस्याका साथै हकहित संरक्षण गर्ने उद्देश्यका साथ २०६५ स्थापना भएको महासंघमा हाल १८ वटा स्थानीय संस्थासमेत आबद्ध रहेका छन् ।
अधिवेशनबाट नयाँ नेतृत्व चयन गर्ने बताइएको छ । साथै साधारणसभामा ढुवानी व्यवसायी महासंघ र गण्डकी विश्वविद्यालयबीच ढुवानी क्षेत्रको सम्भावना, समस्या र समस्या समाधानका लागि अध्ययन गर्ने सम्झौतापत्रमा हस्ताक्षर पनि हुने महासंघले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच