दुर्गा प्रसाईंले पाएको हतियारको इजाजतबारे छानबिन गर्न सर्वोच्चको आदेश, बडिगार्ड रिहा

हिमालय टाइम्स

१३ चैत्र २०८०, मङ्गलबार १९:३९

Read Time = 2 mins

डिजिटल संस्करण

समाचार

A A- A+

काठमाडौं । मेडिकल व्यवसायी दुर्गा प्रसाईंले पाएको हतियारको इजाजतको अनुमति कानूनसम्मत नभएको भन्दै छानबिन गर्न सर्वोच्च अदालतले आदेश दिएको छ ।

'यस्तो हतियार बोक्न इजाजत छैन । के कसरी नवीकरण भएको हो रु नकारात्मक सूचीको हतियार २०७९ पुस ७ मा कसरी नवीकरण भयो ?, आदेशमा भनिएको छ ।

यता हतियारसहित सर्वोच्च अदालत परिसरबाट पक्राउ परेका प्रसाईंका २ बडिगार्डलाई तत्काल रिहा गर्न सर्वोच्च अदालतले आदेश दिएको छ ।

मंगलबार सर्वोच्चका न्यायाधीश नहकुल सुवेदी र सुनिलकुमार पोखरेलको इजलासले हतियारसहित पक्राउ परेका प्रसाईंका बडिगार्डद्धय रामकुमार धिमाल र दीपक खड्कालाई छाड्न आदेश दिएको हो ।

यही चैत ५ गते प्रसाईंसँग सम्बन्धित मुद्दाको सुनुवाइ भइरहेका बेला उनका बडी गार्ड खड्का सर्वोच्च अदालत परिसरबाट हतियारसहित पक्राउ परेका थिए ।

बन्दीप्रत्यक्षीकरणको रिट जारी गर्दै सर्वोच्चले खड्कालाई थुनामुक्त गर्न आदेश दिएको छ । यस्तै थुनामा रहेका रामकुमार धिताललाई पनि थुनामुक्त गर्न सर्वोच्चकाे आदेश भएको छ ।