काठमाडौं । यस वर्षको अन्तिम रिलिजमा आजदेखि देशभरका सिनेमाघरमा दुई नयाँ चलचित्र प्रदर्शनमा आएका छन् । आजदेखि सिनेमाघरमा आएका चलचित्र हुन् ‘द रेड सुट्केस’ र ‘डिग्री माइला’ । ‘द रेड सुट्केस’लाई फिडेल देवकोटाले निर्देशन गर्नुभएको हो भने ‘डिग्री माइला’लाई रामबाबु गुरुङले निर्देशन गर्नुभएको हो । यस्तै चौथो हप्तमा चलचित्र ‘महाजात्रा’ प्रवेश गरेको छ ।
यस वर्षको अन्तिम रिलिजमा आजदेखि देशभरका सिनेमाघरमा दुई नयाँ चलचित्र प्रदर्शनमा आएका छन् । आजदेखि सिनेमाघरमा आएका चलचित्र हुन् ‘द रेड सुट्केस’ र ‘डिग्री माइला’ । ‘द रेड सुट्केस’ लाई फिडेल देवकोटाले निर्देशन गर्नुभएको हो भने ‘डिग्री माइला’लाई रामबाबु गुरुङले निर्देशन गर्नुभएको हो । यस्ते चौथो हप्तमा चलचित्र ‘महाजात्रा’ प्रवेश गरेको छ ।
बाँसुरी फिल्मस्को ब्यानरमा निर्माण भएको ‘डिग्री माइला’मा दयाहाङ राई र आँचल शर्मा जोडीको रूपमा हुनुहुन्छ भने प्रकाश घिमिरे, माओत्से गुरुङ, विजय बराल, बुद्धि तामाङ, कमलमणि नेपाल, हिउँवाला गौतम, सोमनाथ खनाल, पशुपति राई, लोकेन्द्र लेखकलगायतको पनि अभिनय छ । चलचित्रले शैक्षिक बेरोजगारीको कथालाई उठाएको छ । यसअघि यो कथामा ‘डिग्री माइला’ नाटक बनेको थियो ।
यस्तै आजदेखि सिनेमाघरमा आएको ‘द रेड सुट्केस’ भेनिस फिल्म फेष्टिभलमा दुई-दुईवटा अवार्ड जित्न सफल चलचित्र हो । निर्देशक देवकोटाकै लेखन रहेको चलचित्रमा सौगात, विपीन र सृष्टि श्रेष्ठको अलवा प्रवीण खतिवडाको अभिनय छ ।
आइसफल प्रोडक्सनका लागि रामकृष्ण पोखरेलले निर्माण गरेको चलचित्रलाई सुशन प्रजापतिको छायांकन र समन अलभितिगाको सम्पादन छ । श्रीलंकामा प्राविधिक काम गरिएको चलचित्रमा शोभा थापा निर्माता र श्रीलंकाकै विमुक्ति जयसुन्दरा सहनिर्माताको हुनुहुन्छ ।
गत वर्षको सेप्टेम्बरमा भेनिसमा वल्र्ड प्रिमियर भएको चलचित्रले त्यही फेष्टिभलमा महत्वपूर्ण दुई अवार्ड जितेको थियो । त्यसयता चलचित्र संसारकै पुरानोमध्ये एक मानिने जर्मनीको म्यानहाइम हाइडेलवर्ग इन्टरनेसनल फिल्म फेष्टिभल, स्विजरल्याण्डको जुरिच फिल्म फेष्टिभल, भारतको मुम्बई फिल्म फेष्टिभल आदि फेष्टिभलमा प्रदर्शन गरिएको थियो ।
निर्माण कम्पनी आइसफल प्रोडक्सनले देशव्यापी ५० शोसहित चलचित्र सिनेमाघरमा आएको जनाएको छ । यो चलचित्र क्यूएफएक्स चेनमा रिलिज हुनेछैन । ‘हामीले सोचेभन्दा राम्रो शो हो यो,’ निर्माता रामकृष्ण पोखरेलले भन्नुभयो, ‘प्रिमियरमा जसले चलचित्र हेरे उनीहरूले खुलेर प्रशंसा गरेका छन् ।’
गतसाता अमेरिकी टेलिभिजन एचबीओले ओटीटी राइट खरिद गरेसँगै यो चलचित्रको लगानी सुनिश्चित भइसकेको छ । जसकारण कम्तीमा लगानी उठाउन हलमा चल्नैपर्ने दबाब निर्मातामा पर्नेछैन ।
यस्तै शुक्रबारदेखि चौथो हप्तामा प्रवेश गरेको छ चलचित्र ‘महाजात्रा’ । चलचित्रले दोस्रो र तेस्रो हप्ता पनि आक्रामक व्यापारलाई यथावत् राख्दै चौंथो हप्तामा प्रवेश गरेको हो । आपत्कालीन रूपमा आइपर्ने पैसा व्यवस्थापन गर्ने अवसर र त्यसले निम्त्याउने समस्यालाई रोचक शैलीमा प्रस्तुत गरिएको ‘महाजात्रा’मा हरिवंश आचार्य, विपिन कार्की, रविन्द्रसिंह बानियाँ, वर्षा राउत, अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्कालगायतको अभिनय छ । म्याक्स दीपेश खत्री र यज्ञश्वर पौडेल चलचित्रको निर्माता हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच