भोजपुर । भोजपुरमा संचालन भएको छैटौँ संस्करणको मुन्दुम ट्रेल रेसको उपाधी नेपाली सेनाका तिलक सुनुवारले हात पार्नु भएको छ ।
भोजपुर नगरपालिकाको पर्यटकीय स्थल बाघखोरबाट टेम्केमैयुङ गाउँपालिकाको चखेवाभञ्याङसम्म ४० किलो मिटरको दुरी दुई घण्टा ६९ मिनेटमा पार गर्दै सुनुवारले पहिलो उपाधी जित्नु भएको हो । रामप्रसाद राई गाउँपालिाकाका विशाल राईले तीन घण्टा आठ मिनेटमा तोकिएको दुरी पार गर्दै दोश्रो बन्नुभयो भने सेनाका विनोद रोकायले तीन घण्टा १२ मिनेमा दुरी पार गर्दे तेश्रो बन्न सफल हुनु भएको आयोजक संस्था रिमाचुङ एजुकेसन एण्ड स्पोर्टस एकेडेमीले जनाएको छ ।
यस्तै ट्रेल रेस अन्तर्गत गोविन्द कार्की तीन घण्टा १२ मिनेट ३५ सेकण्डमा दुरी पार गर्दै चौथो र दिपक राईले तीन घण्टा १६ मिनेटमा दुरी पार गर्दै पाँचौ बन्नु भएको छ ।
महिला तर्फ तीन घण्टा ५८ मिनेटमा दुरी पार गर्दै सुनसरी रोकाया पहिलो हुनु भयो भने चार घण्टा १६ मिनेटमा दुरी पार गर्दै जोलिन राईले दोश्रो स्थान हात पार्नु भयो । रेसमा महिला तथा पुरुष विद्या तर्फ क्रमश प्रथम, दोस्रो, तेस्रो, चौथो र पाँचौँ हुनेलाई क्रमशः नगद ३५ हजार, २५ हजार, १५ हजार र पाँच हजार प्रदान गरिएको छ ।
टेम्केमैयुङ गाउँपालिकाको चखेवामा संचालन भएको कृषि, पर्यटन र सांस्कृतिक महोत्सवलाई लक्षित गरेर टेम्केमैयुङ गाउँपालिकाको मुख्य प्रायोजन तथा रिमाचुङ एजुकेसन एण्ड स्पोर्टस एकेडेमीको आयोजनामा प्रतियोगिता संचालन गरिएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच