हुम्ला । हुम्लाको सिमकोट गाउँपालिका–७ का बल्चित कामीले आफ्नो छोरीको खुट्टाको उपचार गर्न आर्थिक सहयोग गरिदिन आग्रह गर्नुभएको छ ।
दुई वर्षअघि ११ वर्षकी माया विक छतबाट लडेर घाइते भइ एक खुट्टा भाँचिएको थियो । उपचारका लागि घरपरिवारमा आर्थिक समस्याका कारण उपचार नपाएर विकको अहिले भाँचिएको खुट्टा बांगिएको छ । उमेर बढ्दै जाँदा हिडडुलमा समस्या हुँदै आएको बुवाले गुनासो पोख्नुभयो ।
त्यो समय उपचार गर्नका लागि राम्रो अस्पतालमा लिन घरमा आर्थिक समेत नहुँदा छोरीको भाँचिएको खुट्टाको उपचार हुन नसकेको विकका बुवाले दुखेसो पोख्नुभयो । ११ वर्षिया विकको दाँया भागको खुट्टा भाँचिएको हो । विकले राम्रोसँग बोल्न समेत नसक्ने भएको उहाँको भनाई थियो । भाँचिएको खुट्टाको अहिले पनि उपचार गर्न सकिने भएता पनि विकको घरमा आर्थिक अवस्था कम्जोर भएकाले सुविधा सम्पन्न अस्पतालमा लिन नसक्ने गुनासो पोखेको डाडाफयाँ स्वास्थ्यचौकीमा कार्यरत सन्तोष बोहराले बताउनुभयो ।
स्वास्थ्यकर्मी बोहराले भन्नुभयो, 'अहिले पनि ती नानीको उपचार गर्न सकिन्छ तर आर्थिक बढी चाहिन्छ ।' विकको खुट्टाको उपचार गर्नका लागि घर आर्थिक अवस्था कमजाेर र दयनीय रहेको बोहराले बताउनुभयो । विकका घरपरिवारले अपांग तथा बालबालिकाको क्षेत्रमा काम गर्ने संघ संस्थालाई छोरीको उपचारका लागि आर्थिक सहयोग माग गरी दिन आग्रह गरेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच