काठमाडौं । रसियाको मनिसियास्क खान्तीमा हुने एसियन सिटिज चेस टिम च्याम्पियनसिपमा सहभागिता जनाउन पूर्व नेपाल च्याम्पियन पुरुषोत्तम चौलागाईंको नेतृत्वमा ६ सदस्यीय नेपाली टोली रुस प्रस्थान गरेको छ । टोलीको खेलाडीमा पुरुषोत्तमसहित सुश्रुत दाहाल, गोविन्द श्रेष्ठ, इन्द्रकुमार बस्नेत र सागर श्रेष्ठ रुस प्रस्थान गर्नुभएको हो । अफिसियलमा सजल कार्की हुनुहुन्छ ।
च्याम्पियनसिपको विजेताले ६ हजार अमेरिकी डलर पुरस्कार पाउनेछन् भने उपविजेताले चार हजार पाँच सय र तेस्रो हुने टोलीले तीन हजार पाँच सय अमेरिकी डलर पुरस्कार पाउने नेपाल बुद्धिचाल महासंघले जनाएको छ । व्यक्तिगत बोर्डका विजेताले स्वर्ण, रजत र कांस्य पदक प्राप्त गर्नेछन् ।
सहभागी टोलीको स्थानीय व्यवस्थापन आयोजकले गर्नेछ । टोलीको रजिष्ट्रेसन शुल्क महासंघले प्रदान गर्नेछ । गत पुस २३ देखि २८ गतेसम्म ललितपुरमा सञ्चालन भएको तुल्सीलाल स्मृति राष्ट्रिय बुद्धिचाल टिम च्याम्पियनसिपको विजेता दोलखा होम्सलाई च्याम्पियनसिपमा सहभागिता जनाउन महासंघले स्वीकृति प्रदान गरेको प्रतियोगिताका संयोजक राजु ताम्राकारले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच