भोजपुर । २०१७ सालमा भोजपुर नगरपालिका वडा नम्वर ८ पोखरेमा स्थापना भएको सरस्वती आधारभुत विद्यालयमा पूर्व शिक्षकले ‘महेश्वरी–डिल्लीकुमारी कार्की’ नामक अक्षयकोष स्थापना गर्नु भएको छ । विद्यालयका पूर्व शिक्षक हरि कुमार कार्कीको परिवारले विद्यालयमा तीन लाख बरावरको अक्षयकोष स्थापना गरेको हो ।
बिद्यालयमा स्थापना भएको अक्षयकोषको चेक बिद्यालय ब्यवस्थापन समितिका अध्यक्ष तथा वडाध्यक्ष नवीन प्रधान तथा प्रधानाध्यापक शरण कुमार राईलाई कोषका संरक्षक कार्की, छोरा उत्तम र बुहारी स्वेताले हस्तान्तरण गर्नुभयो । कोषमा रहेको रकमको ब्याजबाट बिद्यालयमा उत्कृष्ठ हुने तीन जना छात्राहरुलाई बार्षिकरुपमा पुरस्कृत गरिने छ । बिद्यालयको शैक्षिक सुधारका लागि कार्की परिवारले तीन बर्षका लागि बार्षिक दुई लाख रकम शिक्षक ब्यवस्थापनका लागि पनि उपलब्ध गराउने भएको छ ।
यस बर्ष भने कक्षा तीन, कक्षा पाँच र कक्षा सातमा उत्कृष्ठ हुने तीन छात्रलाई नगद १० हजार र प्रमाणपत्रबाट पुरस्कृत गरिएको छ भने ३० हजार बरावरको शैक्षिक सामाग्री, खेलकुद सामाग्रीहरु पनि बिद्यालयलाई उपलब्ध गराईएको छ ।
अक्षयकोष घोषणा कार्यक्रममा कार्की परिवारलाई बिद्यालयको तर्फबाट कदर पत्रले सम्मान समेत गरिएको थियो । बिद्यालय ब्यवस्थापन समितिका अध्यक्ष प्रधानले कोषदातालाई कदरपत्र प्रदान गर्नु भएकोथियो । कार्यक्रममा बिद्यालय ब्यवस्थापन समितिका पदाधिकारी, शिक्षक, बिद्यार्थी, बुद्धिजिवी, स्थानीयवासी, पत्रकार लगायतको सहभागिता रहेको थियो ।
अक्षयकोषका संरक्षक कार्कीले मासिक नौ रुपैयाँमा आफुले विद्यालयमा काम गरेको बताउँदै अहिलेका शिक्षकलाई राम्रो सुबिधा प्राप्त भएको बताउनुभयो । उहाँले उत्कृष्ठ बिद्यार्थी उत्पादन गर्न आफुहरुमा पालामा धेरै मेहनत गरिएको बताउँदै अहिलेका शिक्षक तथा अभिभावकहरु पनि सोही अनुसार अगाडी बढन जरुरी रहेको बताउनुभयो ।
यस शैक्षिक सत्र देखि विद्यालयमा अंग्रेजी माध्यमबाट पठनपाठन सुरु गर्न लागिएको बताउँदै बिद्यालय ब्यवस्थापन समितिका अध्यक्ष प्रधानले विद्यालयको गुणस्तरीयता बृद्धिमा शिक्षक, अभिभावक र स्थानीय सवै लाग्न जरुरी रहेको बताउनु भयो । बिद्यालयमा हाल इसिडि कक्षा देखि आठ कक्षासम्म पठनपाठन हुदै आई रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच