काठमाडौं । काठमाडौंमा जारी वीर गणेशमान सिंह कप राष्ट्रिय टी-२० क्रिकेट प्रतियोगिताको तेस्रो दिन लुम्बिनी प्रदेश र गण्डकी प्रदेशले जित निकालेका छन् । बिहीबार भएको खेलमा लुम्बिनीले दोस्रो तथा गण्डकी प्रदेशले पहिलो जित दर्ता गरेका हुन् । बिहीबारको पहिलो खेलमा लुम्बिनी प्रदेशले कर्णाली प्रदेशलाई सात विकेटले पराजित गरेको हो ।
कर्णालीले दिएको ८२ रनको लक्ष्य लुम्बिनी प्रदेशले १२.२ ओभरमा तीन विकेटको क्षतिमा भेट्टाएको थियो । लुम्बिनीको जितमा प्लेयर अफ दि म्याचसमेत बन्नुभएका कप्तान देव खनालले ५१ रनको अविजित पारी खेल्नुभयो ।
बिहीबार भएको दोस्रो खेलमा मधेश प्रदेशलाई आठ विकेटले पराजित गर्दै गण्डकी प्रदेशले पहिलो जित निकालेको छ । मधेश प्रदेशले दिएको १०३ रनको लक्ष्य गण्डकीले १६.३ ओभरमा दुई विकेटको क्षतिमा भेट्टायो ।
गण्डकीका लागि अर्जुन कुमाल अविजित ४९ रनमा नटआउट रहनुभयो । ईश्वर क्षेत्रीले ३२ रन थप्नुभयोे । खेलको प्लेयर अफ दि म्याच गण्डकी प्रदेशका कप्तान विपिन खत्री बन्नुभयो ।
त्यसअघि मूलपानी मैदानमा टस जितेर ब्याटिङ गरेको मधेश प्रदेशले निर्धारित २० ओभरमा नौ विकेटको क्षतिमा १०२ रनको योगफल तयार पारेको थियो । मधेशका लागि विशाल सुशलिङले २४ तथा विशाल पटेलले २२ रन बनाउनुभयो । मयन यादवले १८ तथा प्रदीप पासवानले १४ रन थप्नुभयो । गण्डकीका कप्तान विपिन खत्रीले सर्वाधिक चार विकेट झार्नुभयो । सुवास भण्डारीको नाममा दुई विकेट रहृयो । प्रतियोगितामा आज (शुक्रबार) बागमती प्रदेश र कोशी प्रदेश तथा सुदूरपश्चिम प्रदेश र कर्णाली प्रदेश खेल्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच