भोजपुर । भोजपुर सदरमुकाममा संचालित दुई दिने बहुविषयक अनुसन्धान मूलक राष्ट्रिय कार्यशालामा बिषयगत बिभिन्न छ वटा कार्यपत्र प्रस्तुत गरिएको छ । अनुसन्धान ब्यवस्थापन एकाई (आरएमसी) भोजपुर बहुमुखी क्याम्पसको आयोजनामा संचालित कार्यशालामा बिषयगत कार्यपत्रहरु प्रस्तुत भएका हुन । बृहत बहसका लागि सवै पक्षको सहभागितामा भएको कार्यशालामा बहुबिषयक अनुसन्धात्मक कार्यपत्रहरु प्रस्तुत भएका थिए ।
जसमा त्रिभुवन बिश्वबिद्यालयका एमफिल स्कलर नोदनाथ त्रितालले भोजपुरमा स्थानीय सरकारको सेवा बितरणको अवस्थाका बिषयमा कार्यपत्र प्रस्तुत गर्नु भएको थियो । यस्तै प्राध्यापक उत्तम सिं राईले भोजपुर जिल्लामा कोभिड १९ को समयमा अनलाइन शिक्षण बारे अंग्रेजी भाषा शिक्षकहरुको अनुभव समेटिएको कार्यपत्र, प्राध्यापक प्रकाश राईले गोर्खा सैनिकहरुको बिषयमा समेटिएको कार्यपत्र, नेपाली राजनीतिमा महिलाको प्रतिनिधित्व बिषयमा पिएचडी स्कलर चक्रबहादुर कार्कीको कार्यपत्र, रामप्रसाद राई गाउँपालिकाको लोकगीत अध्ययनका बिषयमा प्राध्यापक रिन्जु शेर्पा र कोशी प्रदेशमा किशोर अवस्था र बच्चाको जन्म बिषयमा पूर्वाञ्चल बिश्वबिद्यालयका प्रोफेसर डाक्टर रमेशबाबु काफलेले कार्यपत्र प्रस्तुत गर्नु भएको थियो ।
प्रस्तुत गरिएका कार्यपत्रहरु माथि सहभागिहरुले सुझाव र टिप्पणी गर्नु भएको थियो । तयार पारिएका बिषयगत कार्यपत्रहरुको प्रस्तुतीले प्राज्ञ अनुसन्धानकर्ताहरु र सरोकारवाला सम्पूर्ण पक्षबीच ब्यापक बहस गरी उत्कृष्ट र तथ्यपूर्ण निश्कर्षमा पुग्ने कार्य भएको अनुसन्धान ब्यवस्थापन एकाई (आरएमसी) भोजपुर बहुमुखी क्याम्पस संयोजक डा. पर्वत कुमार राईले बताउनुभयो ।
कार्यशाला समापन कार्यक्रममा सहभागिहरुले हरेक क्षेत्रमा अनुसन्धान जरुरी रहेको बताउँदै कार्यशालामा प्रस्तुत भएका विषयले थप अनुसन्धानमा मद्धत पुग्ने बताउनु भएको थियो । अनुसन्धान मुलक विषयलाई आगामी दिनमा पनि निरन्तरता दिन जरुरी रहेको सहभागिहरुको भनाई छ । दुई दिने कार्यशालामा प्राध्यापक, शिक्षक, राजनीतिक दलका प्रतिनिधी, पत्रकार, नागरिक समाज, विद्यार्थीहरु र सामाजिक अभियन्ताहरुको सहभागिता रहेको थियो । सहभागिहरुलाई प्रमाण पत्र समेत बितरण गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच