काठमाडौं । कोशी प्रदेशको मुख्यमन्त्रीमा नेकपा एमाले संसदीय दलका नेता हिक्मतकुमार कार्की नियुक्त हुनुभएको छ ।
बिहीवार कोशी प्रदेश प्रमुख परशुराम खापुङले कार्कीलाई मुख्यमन्त्रीमा नियुक्त गर्नुभएको हो । कार्कीलाई संविधानको धारा १६८ को उपधारा ५ बमोजिम मुख्यमन्त्री पदमा नियुक्त गर्न प्रदेश सभाका ५२ सदस्यको हस्ताक्षरसहित दाबी भएको थियो । सनाखतपछि उहाँलाई प्रदेश प्रमुख खापुङले मुख्यमन्त्रीमा नियुक्त गर्नुभएको हो ।
उहाँले आजै शपथग्रहण गरेर सानो आकारको मन्त्रिमण्डल बिस्तार गर्नुहुनेछ । प्रदेश प्रमुख खापुङले शुक्रवार साँझ ५ बजेसम्मको समय दिएर मुख्यमन्त्रीमा दाबी पेस गर्न बुधवार राति आह्वान गर्नुभएको थियो । सोही बमोजिम नेकपा एमाले र माओवादीका ५२ सांसदको समर्थनमा कार्की मुख्यमन्त्रीमा नियुक्त हुनुभएको हो । प्रदेश प्रमुख खापुङले ५२ जना कोशी प्रदेश सभा सदस्यको सनाखत भएकाले प्रदेश सभा सदस्य हिक्मतकुमार कार्कीलाई कोशी प्रदेशको मुख्यमन्त्री नियुक्ति गरेको बताउनु भयो ।
अब बनेको नयाँ गठबन्धनको सरकारलाई आगामी निर्वाचनसम्म नै डोहो¥याउने सत्ता समर्थक दल नेकपा (माओवादी केन्द्र) कोशी प्रदेश संसदीय दलका नेता ईन्द्रबहादुर आङ्बोले बताउनु भयो । केन्द्रिय सरकार फेरबदलपछि नयाँ समीकरणअनुसार अघि बढेको बताउनु भयो । उहाँले सरकार फेरबदलले नयाँ नयाँ दलहरुसँग सहकार्य हुँदै जाने र सिंगो प्रदेश र संसदलाई अघि बढाउने बताउनु भयो ।
एमाले र माओवादीले सरकारको समर्थन फिर्ता लिएपछि मुख्यमन्त्री कार्कीले विश्वासको मत पनि लिने र राजीनामा पनि नदिने अडान राख्दै आउनुभएको थियो । तर त्यसलाई चिर्न दुई दलले समर्थन फिर्ता लिएको ३० दिनभित्र विश्वासको मत लिन मुख्यमन्त्रीलाई निर्देशन दिने संकल्प प्रश्ताव वैशाख ७ गते पारित गराएका थिए । मुख्यमन्त्री कार्कीले भने संकल्प प्रश्ताव बाध्यकारी नभएको भन्दै विश्वासको मत लिने प्रश्ताव नै प्रदेश सभामा राखेनन् । प्रदेश सभा सचिवालयले संकल्प प्रश्तावले गरेको निर्देशन अनुसार मुख्यमन्त्रीलाई त्यसको जानकारी गराएको भएपनि विश्वासको मत लिने प्रश्ताव नआएको पत्र प्रदेश प्रमुखको कार्यालयले पठाएपछि नयाँ सरकार आह्वानको ढोका खुलेको थियो । कार्की यसअघि दुई पटक मुख्यमन्त्री भइसक्नुभएको छ । २४ पुस २०७९ पहिलो पटक माओवादी केन्द्र, जसपा र राप्रपाको समर्थनमा मुख्यमन्त्री बन्नुभएका कार्कीले केन्द्रमा सत्ता समीकरण फेरिएपछि १४ असार २०८० मा राजीनामा दिनुभएको थियो । सर्वोच्च अदालतको परादेशपछि २२ भदौ २०८० मा ठूलो दलको नेताको हैसियतमा मुख्यमन्त्री बन्नुभएका कार्कीले २० असोजमा पुनः राजीनामा दिनुभएको थियो । केन्द्रमा पुनः नेकपा एमाले र माओवादी केन्द्रको गठबन्धन बनेपछि कार्की तेस्रो पटक मुख्यमन्त्री बन्नुभएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच