चितवन । चितवनमा एन्फा क्याट ४ रेफ्री कोर्ष सुरु भएको छ । चितवन जिल्ला फुटबल संघको आयोजना तथा अखिल नेपाल फुटबल संघको प्राविधिक सहयोगमा सोमबारदेखि रेफ्री कोर्ष सुरु भएको छ ।
कोर्षको एक कार्यक्रमकाबीच जिल्ला समन्वय समिति चितवनका प्रमुख नारायणप्रसाद अधिकारी उद्घाटन गर्नुभयो ।
जेठ १३ गतेसम्म चल्ने कोर्षमा रेफ्री कोर्षमा चितवन, धादिङ र धनगढीका महिला पुरुष गरी ३२ प्रशिक्षार्थी रेफ्रीहरु सहभागी हुनुभएको छ । उहाँहरुलाई पूर्व फिफा रेफ्री विरेन्द्रबहादुर पाण्डे, कल्पना शर्मा, सचिन अमात्य र रोजेन श्रेष्ठले सैद्धान्तिक तथा प्रयोगात्मक प्रशिक्षण गराउनुहुनेछ । कोर्षपछि उतीर्ण हुने रेफ्रीहरुलाई ब्याच प्रदान गरिनेछ ।
दक्ष रेफ्री उत्पादन गर्ने लक्ष्यसहित कोर्ष सुरु गरिएको चितवन जिल्ला फुटबल संघका अध्यक्ष श्रीकृष्ण कार्कीले बताउनुभयो । कार्यक्रमका प्रमुख अतिथि जिसस प्रमुख अधिकारीले रेफ्री सम्मानित पेशा भएको भन्दै थप मर्यादित बनाउने लक्ष्यसहित अघि बढ्न आग्रह गर्नुभयो ।
अखिल नेपाल फुटबल संघका प्रमुख प्रशासक तथा हेड अफ रेफ्री डिपार्ट गोकुल थापाले प्रशिक्षणका दौरान नियम सिकेर व्यवहारमा उतार्न सुझाव दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच