स्याङ्जा । गण्डकी प्रदेशअन्तर्गत स्याङ्जाको पुतलीबजारमा महिला क्रिकेट प्रशिक्षण कार्यक्रम गरिएको छ । प्रदेश खेलकुद परिषद् गण्डकीको आयोजना तथा प्रादेशिक क्रिकेट संघ गण्डकीको व्यवस्थापनमा १० दिने प्रशिक्षण गरिएको हो । गण्डकीमा महिला खेलाडीको प्रभाव रहेको स्याङ्जामा महिला खेलाडी प्रदेशमै उत्पादन गर्ने उद्देश्यले प्रशिक्षण गरिएको हो ।
राष्ट्रिय यू–१९ क्रिकेट टिमका मुख्य प्रशिक्षक जगत्बहादुर टमटा र गण्डकीका मुख्य प्रशिक्षक रिजन प्रजुले प्रशिक्षण दिनुभएको प्रादेशिक क्रिकेट संघ गण्डकीका अध्यक्ष सञ्जयकान्त सिग्देलले जानकारी गराउनुभयो ।
प्रशिक्षणले युवा महिला क्रिकेट खेलाडी उत्पादनमा महत्वपूर्ण भूमिका खेलेको उहाँले बताउनुभयो । आगामी वर्षमा समेत यस प्रकारका प्रशिक्षण कार्यक्रमलाई निरन्तरता दिइने उहाँको भनाइ थियो । गत वैशाख २९ गतेबाट सञ्चालित उक्त प्रशिक्षणमा ६० जनाले सहभागिता जनाएका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच