सरकारले जिम्मेवारीपूर्वक बजेट ल्याएको छ : अर्थमन्त्री पुन

काठमाडौं । अर्थमन्त्री वर्षमान पुनले सरकारले जिम्मेवारीपूर्वक बजेट ल्याएको बताउनुभएको छ ।

आईतवार प्रतिनिधि सभा बैठकमा आगामी आर्थिक वर्ष २०८१/८२ को राजश्व र व्ययको वार्षिक अनुमानमाथि सामान्य छलफल प्रारम्भ गरियोस् भन्ने प्रश्ताव पेश गर्दै यस्तो बताउनुभएको हो । उहाँले सन्तुलित र संयमित बजेट आएको भन्दै निजी क्षेत्रले समेत स्वागत गरेको बताउनु भयो ।

उहाँले बजेट प्रश्तुत पछि सत्तापक्ष र प्रतिपक्षका सांसदहरुबाट समेत स्रोतको संकुचनका बीच पनि बजेट सन्तुलित र वस्तुवादी भएको प्रतिक्रियाबाट सरकारले जिम्मेवारीपूर्वक बजेट प्रश्तुत गरेको महशुस गरेको बताउनु भयो । उहाँले विनियोजन विद्येयकमा बजेटको सिद्धान्त र प्राथमिकता पूर्वअर्थमन्त्रीले प्रश्तुत गर्नुभएको आधारमा सांसदहरुले दिएका सुझावलाई बजेटले आत्मसाथ गरेको बताउनु भयो ।

उहाँले सरकारले ल्याएको नीति तथा कार्यक्रमलाई मुल आधार बनाएर बजेट ल्याएको दाबी गर्नुभयो । उहाँले अर्थतन्त्र अफ्ठ्यारोबाट बिस्तारै लयमा आइरहेको बेलामा निजी क्षेत्रको मनोबल उठाउने भनेको नीतिको निरन्तरता र स्थायीत्व आवश्यक भएकाले राजश्वमा कम क्षेत्र चलाएको बताउनु भयो ।

उहाँले राजश्वका दर चलाएको क्षेत्र पनि उद्योग र उत्पादनको संरक्षण गर्ने भएको दाबी गर्नुभयो । उहाँले बजेट बनाउँदा स्रोतको संकुचन महशुस गरेर बनाएको उल्लेख गर्नुभयो । राष्ट्रिय अर्थतन्त्रमा संकुचन देखिएको अवस्थामा चालु आर्थिक वर्षमा ३.९ प्रतिशतको हाराहारीमा आर्थिक वृद्धि हुने अनुमान केन्द्रिय तथ्याङ्क कार्यालयले प्रश्तुत गरेको बताउनु भयो । उहाँले गत वर्ष १.९ प्रतिशतको आर्थिक वृद्धि भन्दा चालु आर्थिक वर्षको आर्थिक वृद्धिदर राम्रो रहेको बताउनु भयो । उहाँले मुलुकको अर्थतन्त्र लयमा फर्किंदै गएको आर्थिक वृद्धिदरको प्रक्षेपणले पनि देखाएको उल्लेख गर्नुभयो । उहाँले अहिले पनि मुलुकको अर्थतन्त्र पूरै लयमा आउन नसकेको भन्दै सरकारले यसमा मेहनत गरिरहेको बताउनु भयो ।

उहाँले भन्नुभयो,‘बजेट बनाउँदा स्रोतको संकुचन महशुस गरेका थियौं । राष्ट्रिय अर्थतन्त्रमा संकुचन देखिएको अवस्थामा चालु आर्थिक वर्षमा ३.९ प्रतिशतको हाराहारीमा आर्थिक वृद्धि हुने अनुमान केन्द्रिय तथ्याङ्क कार्यालयले प्रश्तुत गरेको छ । गत वर्ष १.९ प्रतिशतको आर्थिक वृद्धि थियो । त्यो भन्दा यो राम्रो हो । यस अर्थमा मुलुकको अर्थतन्त्र लयमा फर्किंदै गएको छ । सुखद् अवस्था हो तर पनि मुलुकको अर्थतन्त्र पूरै लयमा आइसकेको छैन । सरकारले यसमा मेहनत गरिरहेको छ । युवाहरुको चिन्ता र चासो बजेटले देशभित्रै भविष्य खोज्न सकिन्छ । त्यो सरकारले प्रयत्न गर्छ भन्ने जिज्ञासा रहेको अवस्था थियो । जनताले बजेटमा ठूलो अपेक्षा गरेका थिए । निजी क्षेत्रले बजेटले आशा जगाउन सक्छ की सक्दैन । निजी क्षेत्रको मनोवल उकासन सक्छ की सक्दैन भनेर खबदारी गरेको थियो । बजेटको दबाब थियो । त्यही दबाबमा मुलुकको अर्थतन्त्र अहिले पनि रहेको छ । सन्तुलित र संयमित बजेट आएको भन्दै निजी क्षेत्रले स्वागत गरेको छ । बजेट प्रश्तुत पछि सत्तापक्ष र प्रतिपक्षका मान्यसदस्यहरुबाट समेत स्रोतको संकुचनकाबीच पनि बजेट सन्तुलित र बस्तुवादी आयो भनेको सुन्दा पाउँदा सरकारले जिम्मेवारी पूर्वक बजेट प्रश्तुत गरेको महशुस गरेको छु । विनियोजन विद्येयकमा बजेटको सिद्धान्त र प्राथमिकता पूर्वअर्थमन्त्रीले प्रश्तुत गर्नुभएको थियो । सांसदबाट आएको सुझावहरुलाई आत्मसाथ गरौं । सरकारले नीति तथा कार्यक्रम प्रश्तुत ग¥यो । त्यसलाई हामीले मुलआधार बनायौं । सिमित साधन स्रोतलाई विनियोजन कुशलताका साथ जिम्मेवारी पूर्वक विनियोजन गर्ने प्रयास गरेका छौं । राजश्वका दरहरुमा निकै कम मात्रै चलाउन खोज्यौं । अर्थतन्त्र अफ्ठ्यारोबाट विस्तारै लयमा आइरहेको बेलामा निजी क्षेत्रको मनोवल उठाउने भनेको नीतिको निरन्तरता र स्थायीत्व भएको राजश्वमा कम क्षेत्र समाएका छौं । राजश्वका दर उद्योग र उत्पादनको संरक्षण गर्न समाएका छौं ।’

उहाँले बजेटले युवाहरुलाई देशभित्र भविष्य खाज्ने र निजी क्षेत्रको मनोबल उच्च बनाउने गरी आएको बताउनु भयो ।