काठमाडौं । गीतकार संघले लोकप्रिय गीतकार टीका चम्लिङको जीवन रक्षाका लागि अपिल गरेको छ । संघका अध्यक्ष वन्सत वित्यासी थापाले सोमबार एक प्रेस विज्ञप्ति जारी गर्दै चाम्लिङको जीवन रक्षाका लागि अपिल गर्नुभएको हो । क्यान्सर जस्तो गम्भीर रोगबाट पीडित चामलिङको उपचारखर्चका लागि ठूलो धनराशी खर्च भईसकेको र खर्चको अभाव हुँदै गएकाले सहयोगको लागि अपिल गरेको अध्यक्ष थापाद्वारा जारी विज्ञप्तिमा भनिएको छ ।
केही दिनअघि संघका अध्यक्ष थापासहित निवर्तमान अध्यक्ष शुभ मुकारुङ, उपाध्यक्ष रमेश कोइराला, महासचिव टीका राई (शिव), र कोषाध्यक्ष चेतन खतिवडाको टोलीले गीतकार चाम्लिङलाई निवासमा भेटेर स्वास्थ्य स्थितिको जानकारी लिएको थियो । संघको तर्फबाट २५ हजार रुपैयाँ नगद आर्थिक सहयोगसमेत गरेको संघले जनाएको छ ।
उहाँको जीवन रक्षाका लागि व्यक्तिगत र संस्थागत रूपमा आर्थिक सहयोग गरिदिनु हुन, स्वदेश तथा विदेशमा रहनु भएका सर्जक स्रष्टा, कलाकार, प्राविधिक एवं समग्र गीत संगीतप्रेमी साथै शुभचिन्तकमा संघले अपिल गरेको छ । इच्छुक दाताले उहाँको जीवन रक्षाका लागि संघको (एभरेष्ट बैंकको खाता नम्बर ००१००१०५२००८४७ गीतकार संघ नेपाल)मा रकम जम्मा गरिदिन पनि अपिल गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच