पुष्कर नेपाल/हिटा
पोखरा । नेकपा एमाले पोखरा महानगरपालिकामा खगराज अधिकारी गुट निर्वाचित भएको छ । पार्टी स्थायी कमिटी सदस्य अधिकारी निकटका जीवनप्रसाद आचार्य प्यानल महानगरको दोस्रो अधिवेशनबाट निर्वाचित भएको हो । गण्डकीमा स्थायी कमिटी सदस्य अधिकारी र केन्द्रीय उपमहासचिव पृथ्वीसुब्बा गुरुङ गुट हावी छ ।
सोमबार अन्तिम मतपरिणाममा उहाँले अध्यक्षका प्रत्यासी दीपक पौडेललाई ६७ मतअन्तरले पराजित गर्दै निर्वाचित भएको प्रमुख निर्वाचन अधिकृत मदनप्रसाद तिवारीले बताउनुभयो । आचार्यले कुल खसेको ४८७ मतमा २७७ मत प्राप्त गर्नुभएको छ भने पौडेलले २१० मत ल्याउनुभयो । निर्वाचित आचार्य यसअघि सचिव हुनुहुन्थ्यो ।
उपाध्यक्षमा अधिकारीनिकटकै नरेन्द्रनाथ ढुंगाना निर्वाचित हुनुभयो । उहाँले २८४ मत ल्याउँदा उहाँका प्रतिस्पर्धी मोहन गुरुङले २०३ मत ल्याउनुभयो । सचिवमा सुशील बस्नेत २६७ मत ल्याउँदै निर्वाचित हुनुभयो । उहाँका प्रतिस्पर्धी दिनेशबाबु खड्काले २२० मत ल्याउनुभयो । उपसचिव (खुला) मा विष्णुप्रसाद गौतम निर्वाचित हुनुभयो । उपसचिव (महिला) मा हरिमाया विश्वकर्मा निर्वाचित हुनुभयो ।
खुला १० सदस्यमा झलकप्रसाद बराल, शंकर भट्टराई, सूर्यप्रसाद उपाध्याय, जीवन तिवारी, कृष्ण आचार्य, टंकप्रसाद सुवेदी, दानबहादुर शाही, प्रदीप सुवेदी, राजेन्द्रप्रसाद पौडेल र प्रेमराज बसौला निर्वाचित हुनुभयो । जसमा २३ जनाले उम्मेदवारी दिएका थिए । पालिका महिला पाँच सदस्यमा १० जनाको मनोनयन भएकोमा सीता केसी, लक्ष्मी तिम्सिना, कुलमाया पौडेल, राधिका पौडेल र मीनाकुमारी ठकुरी विजयी हुनुभयो ।
पालिका युवा खुलामा आवश्यक १३ जनाको लागि २९ प्रतिस्पर्धामा थिए । तीमध्ये प्रदीप गुरुङ, इ. भवसागर रानाभाट, शंकर पौडेल, इच्छाबहादुर गुरुङ, भक्तबहादुर गुरुङ, विनोद भण्डारी, राजेन्द्र गिरी, विष्णु बास्तोला, सुविन तिमिल्सेना, सन्देश तिमिल्सेना, सन्तोष थापा, लोकेन्द्रराज (उत्तम) गिरी र सुनिल गोतामे निर्वाचित हुनुभयो ।
लेखा कमिटी अध्यक्षमा दुर्योधन गिरी विजयी हुनुभयो । उहाँले अर्का प्रत्यासी राजेश गुरुङलाई हराउनुभएको हो । गिरीले २६४ र गुरुङले २२३ मत ल्याउनुभयो । निर्वाचित गिरी पनि अधिकारी गुटकै हुनुहुन्छ । लेखा कमिटी उपाध्यक्षमा विष्णुहरि तिवारी, सचिवमा कमलमोहन आचार्य, सदस्यमा सञ्जयबाबु भट्टराई, सदस्य (महिला) मा पवित्रा केसी निर्वाचित हुनुभयो ।
कुल ६८ क्लष्टरमा भएको चुनावमा सर्वसम्मत् प्रयास विफल भएपछि गुट स्पष्ट खुल्ने गरी आचार्य र पौडेल प्यानल चुनावमा होमिनुभएको हो ।
एमाले गण्डकीको हालै भएको अधिवेशनमा गुरुङ र कास्की जिल्ला अधिवेशनमा अधिकारीनिकटका उम्मेदवारले चुनाव जितेका थिए । १०१ सदस्यीय कमिटीका लागि सोमबार इलेक्ट्रिक भोटिङमार्फत मतदान भएको हो । मतदानका लागि २६ मेसिन राखिएको थियो । अधिवेशनमा ४९८ जना मतदातामध्ये ४८७ जनाले मतदान प्रक्रियामा भाग लिएका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच