काठमाडौं । नेपालको खेलकुद क्षेत्रमा क्रियाशील रहेको नेपाल ओलम्पिक कमिटीमा आबद्ध राष्ट्रिय खेल संघहरूको संस्थागत हकहितका लागि संयुक्त बैठकले कन्फिडेरेसन अफ नेसनल स्पोर्ट्स एसोसिएसन गठन गरिएको छ । उक्त बैठकले महासंघको अध्यक्षताका लागि नेपाल तेक्वान्दो संघका अध्यक्ष प्रकाशशमशेर राणालाई मनोनीत गरेको हो । अन्य ओलम्पिक कमिटीमा आबद्ध संघका अध्यक्ष तथा प्रतिनिधि पदाधिकारीहरूलाई सदस्यमा मनोनीत गरेको छ ।
यस कन्फिडेरेसनले सम्पूर्ण खेलहरूको संस्थागत विकासलाई सघाउ पुर्याउने र देशको खेलकुद विकासका लागि राष्ट्रिय खेलकुद परिषद्, नेपाल ओलम्पिक कमिटी र युवा तथा खेलकुद मन्त्रालयसँग सहकार्य गर्नेछ । उक्त महासंघको विधान चाँडोभन्दा चाँडो बनाई विधिवतरूपमा सम्बन्धित निकायमा दर्ता गराउन प्रक्रिया अघि बढाइने र महासंघको दैनिक काम कारबाहीका लागि आवश्यक पर्ने आर्थिक व्ययभार सम्पूर्ण खेल संघहरूले संयुक्तरूपमा बेहोर्नेछन् । महासंघको आगामी तीन महिनाभित्र निर्वाचन गराउने योजना रहेको छ ।
अध्यक्ष प्रकाशशमशेर राणा रहँदा सदस्यहरूमा ज्योति राणा, नेपाल टेनिस संघ, पुष्पदास श्रेष्ठ, नेपाल सुटिङ संघ, रमेशप्रसाद शिवाकोटी, नेपाल आर्चरी संघ, जगत्मान श्रेष्ठ महासचिव, नेपाल पौडी संघ, रामजीबहादुर श्रेष्ठ, नेपाल ब्याडमिन्टन संघ, गोपाललाल कक्षपती, नेपाल साइक्लिङ संघ, राधाकृष्ण विष्ट, नेपाल एथ्लेटिक्स संघ, रामकृष्ण श्रेष्ठ, नेपाल भारत्तोलन संघ, राज महमद मियाँ अन्सारी, नेपाल कुस्ती संघ, पंकजविक्रम नेम्बाङ , अखिल नेपाल फुटबल संघ, वीरबहादुर तामाङ, नेपाल उसु संघ, राजिव श्रेष्ठ, नेपाल राफ्टिङ एण्ड क्यानोइङ संघ, अनिलप्रसाद शर्मा, नेपाल हक्की संघ, चतुरानन्दराज वैद्य, अल नेपाल टेबलटेनिस संघ, राम अवाले, नेपाल बक्सिङ संघ, सुनीलकुमार श्रेष्ठ, नेपाल फेन्सिङ संघ, युवराज लामा, नेपाल कराँते महासंघ र टासी घले, नेपाल गल्फ संघ रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच