पुरन साह/हिटा
जनकपुरधाम । मधेश प्रदेशका नवनियुक्त मुख्यमन्त्री सतिशकुमार सिंहले पद तथा गोपनीयताको शपथग्रहण गर्नुभएको छ । प्रदेश प्रमुख सुमित्रा भण्डारीसमक्ष उहाँले शुक्रबार दिउँसो शपथग्रहण गर्नुभएको हो । शपथग्रहणसँगै मुख्यमन्त्री सिंहले सत्ता गठबन्धनका अन्य दलहरूसहित १४ सदस्यीय मन्त्रिपरिषद् गठन गर्नुभएको छ । उहाँहरू सबै जनाले शुक्रबार नै शपथग्रहण गर्नुभएको हो । मन्त्रिपरिषद्मा नेकपा माओवादी केन्द्रका तर्फबाट अर्थमन्त्रीमा प्रदेश संसदीय दलका नेता भरतप्रसाद साह, उद्योग, वाणिज्य तथा पर्यटनमन्त्रीमा युवराज भट्टराई नियुक्त हुनुभएको छ ।
त्यस्तै, नेकपा एमालेबाट संसदीय दलका नेता सरोजकुमार यादव भौतिक पूर्वाधार विकास मन्त्री, राजकुमार लेखी शिक्षा तथा संस्कृति, शत्रुधनप्रसाद सिंह स्वास्थ्य तथा जनसंख्या तथा केशव राय स्वास्थ्य राज्यमन्त्री र शारदादेवी थापा शिक्षा तथा संस्कृति राज्यमन्त्रीमा नियुक्त हुनुभएको छ । नेकपा एकीकृत समाजवादीका तर्फबाट संसदीय दलका नेता गोविन्दबहादुर न्यौपाने भूमि व्यवस्था, कृषि तथा सहकारीमन्त्री, बेची लुंगेली ऊर्जा, सिँचाइ र खानेपानीमन्त्री, नेपाल संघीय समाजवादी पार्टीका तर्फबाट विमला अन्सारी गृह, सञ्चार तथा कानुनमन्त्री र नागरिक उन्मुक्ति पार्टीकी उर्मिलादेवी सिंहलाई श्रम तथा यातायातमन्त्रीको जिम्मेवारी दिइएको छ ।
गठन भएको मधेश प्रदेशको मन्त्रिपरिषद्मा सर्लाहीबाट मात्रै तीनजना महिला मन्त्री नियुक्त हुनुभएको छ । प्रदेश सरकारमा पहिलोपटक सर्लाहीबाट यतिधेरै मन्त्री र त्यसमा पनि सबै महिला समावेश गरिएको हो । जसमा लुंगेली, अन्सारी र सिंह रहनुभएको छ ।
नौ महत्वपूर्ण निर्णयहरू सार्वजनिक
मधेश प्रदेशका नवनियुक्त मुख्यमन्त्री सतिशकुमार सिंहले पदभार ग्रहण गर्दै नौवटा निर्णय गर्नुभएको छ । कृषि, शिक्षा, स्वास्थ्य, रोजगार, खेलकुदलाई प्राथमिकतामा राखेर नौवटा निर्णय गर्नुभएको हो । मुख्यमन्त्री सिंहले मधेशका १३६ पालिकालाई लक्षित गरी नमुना कृषि विकास समूह सहकारी वा कृषि साझेदारीमा एक पालिका एक कृषि उत्कृष्टता केन्द्र तयार गर्ने निर्णय गर्नुभएको छ । यस्तै, मधेश प्रदेशका प्रत्ेक जिल्लामा नमुनाको रूपमा एक÷एकवटा खुला शैक्षिक पार्क तयार गर्ने उहाँले बताउनुभयो । मधेश प्रदेशको तथ्यांकलाई भरपर्दो र विश्वासिलो बनाउन आफ्नै डिजिटल तथ्यांक बैंक स्थापना गर्ने निर्णय भएको उहाँले बताउनुभयो । वैदेशिक रोजगारबाट सीप सिकेर फर्किएका जनशक्तिलाई परिचालन गर्दै सीपलाई रोजगारसँग जोड्ने कार्यक्रम लागू गर्ने निर्णय भएको उहाँले बताउनुभयो । उहाँले मधेशमा रहेको चरम भ्रष्टाचार न्यूनीकरण गर्दै सुशासन कायम गर्नु आफ्नो मुख्य प्राथमिकता रहेको बताउनुभयो । उहाँले भन्नुभयोे, ‘म जतिदिन पदमा रहन्छु, सबै दललाई मिलाएर सहकार्य गरेर जनताको पक्षमा काम गर्छु ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच