काठमाडौं । घाइते स्पिनर ललितनारायण राजवंशीको स्थान सागर ढकालले लिने हुनुभएको छ । यसै साता ललित टियु क्रिकेट मैदानमा अभ्यास खेलका क्रममा फिल्डिङ गर्ने क्रममा घाइते हुनुभएको थियो । ललितको बायाँ हातको ब्यूटीबोनको शल्यक्रिया गरेपछि नेपालले १९औँ एसियाली खेलकुद खेल्न सागरलाई टोलीमा समेट्ने भएको हो ।
बायाँ हाते युवा स्पिनर सागरले नेपालबाट ८ ओडिआई र २ टी-२० आई खेल खेल्नुभएको छ । सागरले २०२२ मार्चमा आइसिसी विश्वकप लिग २ मा शारजाहमा पपुवा न्युगिनीविरुद्ध ओडिआईमा डेब्यु गर्नुभएको थियो ।
पछिल्लोपटक २०२२ डिसेम्बरमा उहाँले स्कटल्याण्डविरुद्ध खेल्नुभएको थियो । डिसेम्बरमा नामिबिया भ्रमणपछि उहाँ टोलीमा हुनुहुन्छ । स्पिनर सन्दीप लामिछाने र ललितको जोडीले लगातार राम्रो प्रदर्शन गरेपछि सागर बाहिरिनुभएको थियो । नेपाली क्रिकेट टोली आइतबार चीन जाँदैछ । १९औँ एसियाली खेलकुद पुरुषतर्फ २७ सेप्टेम्बरदेखि ८ अक्टोबरसम्म चीनमा हुँदैछ ।
पाँच टेस्ट टोली श्रीलंका, भारत, पाकिस्तान, बंगलादेश र अफगानिस्तानले सिधै क्वाटरफाइनल खेल्नेछन् । समूह ए, बी र सीबाट विजेता टोली क्वाटरफाइनलमा आउनेछन् । समूह ‘ए’ मा रहेको नेपालले २७ सेप्टेम्बरमा मंगोलिया र १ अक्टोबरमा माल्दिभ्ससँग खेल्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच