सप्तरी । छिन्नमस्ता लायन्स सप्तरीको राजविराजमा जारी राजविराज मेयर कप सप्तरी प्रिमियर लिगको छैटौँ संस्करणको फाइनल पुगेको छ । आइतबार सम्पन्न दोस्रो क्वालिफायरमा कञ्चनरुप राइनोजलाई पराजित गर्दै छिन्नमस्ताले तिरहुट टाइगर्ससँग फाइनल प्रतिस्पर्धा तय गरेको हो । उपाधिका लागि कञ्चनरुप राइनोज र तिरहुट टाइगर्सबीच सोमबार फाइनल खेल हुनेछ ।
पब्लिक विन्देश्वरी क्रिकेट मैदानमा कञ्चनरुप राइनोजले दिएको ११८ रनको लक्ष्य छिन्नमस्ताले ४ बल बाँकी हुँदा ६ विकेटको क्षतिमा भेट्टायो ।
छिन्नमस्ताका लागि राष्ट्रिय क्रिकेटरसमेत रहनुभएका भीम सार्कीले अर्धशतकीय योगदान दिनुभयो । उहाँले ३७ बलमा ६ चौका र २ छक्का प्रहार गर्दै जितमा अहं योगदान दिनुभयो । यस्तै, फिर्दोश अन्सारीले अविजित १६ रन, राज बर्माले १५ तथा सुमित नेवारले ११ रन बनाउनुभयो ।
लक्ष्य पछ्याउने क्रममा ५८ रनमा ४ विकेट गुमाएको अवस्थामा भीमले फिर्दोश अन्सारीसँग ४५ रनको साझेदारी गर्दै जितको आधार तयार गर्नुभयो । १६औँ ओभरमा भीम आउट भएपछि फिर्दोशले अन्तिमसम्म ब्याटिङ गर्दै टिमलाई जितसम्म पुर्याउनुभएको थियो ।
कञ्चनरुपका बलिङमा दिनेश अधिकारीले ३ विकेट लिए तापनि जितका लागि पर्याप्त भएन । यसअघि टस जितेर ब्याटिङ गरेको कञ्चनरुप राइनोजले १८.२ ओभरमा ११७ रनमा सबै विकेट गुमायो । कञ्चनरुपका लागि दिनेश अधिकारी र कर्ण विकले समान १९ रन, अभिषेक गौतमले १५ तथा शुभ कंसाकार र महानन्द यादवले समान १३ रन योगदान दिनुभयो ।
बलिङतर्फ छिन्नमस्ता लायन्सका विशाल पटेलले सर्वाधिक ३ विकेट लिनुभयो । जुन क्रममा उहाँले ३.२ ओभरमा २४ रन खर्चिनुभयो । यस्तै, मोहम्मद सोहेल, फिर्दोश अन्सारी र गुनानन्द रोयले समान २ विकेट लिनुभयो । सप्तरी क्रिकेट संघद्वारा आयोजित प्रतियोगिताको विजेताले तीन लाख रुपैयाँ हात पार्नेछ । उपविजेता टिमले एक लाख पचास हजार प्राप्त गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच