संयुक्त राष्ट्रसंघ । संयुक्त राष्ट्रसंघका महासचिव एन्टोनियो गुटेरेसले शनिबार संकटग्रस्त समुद्रलाई बचाउने कदम चाल्न अन्तर्राष्ट्रिय समुदायसमक्ष आह्वान गर्नुभएको छ । ‘समुद्रले पृथ्वीका सबै जीवनलाई जोगाउँछ र बढाउँछ, तर हाम्रो समुद्र संकटमा छ र यसको दोषी हामी हौं’, महासचिवले हरेक वर्ष जुन ८ मा मनाइने विश्व महासागर दिवसका लागि दिएको सन्देशमा बताउनुभयो ।
गुटेरेसले ‘बढ्दो समुद्रलाई उत्प्रेरित गर्ने जलवायु परिवर्तनले साना टापु, विकासोन्मुख राज्यहरू र तटीय जनसंख्याको अस्तित्वलाई खतरा पुर्याउनुका साथै हामी सबैलाई असर गर्ने चरम मौसम घटना पनि निम्त्याइरहेको छ’, गुटेरेसले बताउनुभयो ।
उहाँले समुद्री अम्लीकरणले समुद्री जैविक विविधता र स्थानीय पर्यटनलाई जोखिममा पार्ने र अस्थिर तटीय विकास, अत्यधिक माछा मार्ने, गहिरो समुद्री खानी, अनियन्त्रित प्रदूषण, र प्लास्टिक फोहोरले विश्वभरका समुद्री पारिस्थितिक प्रणालीको विनाश गर्ने जानकारी गराउनुभयो ।
गुटेरेसले गतवर्ष जुनमा लागू गरिएको समुद्री कानुनसम्बन्धी संयुक्त राष्ट्रसंघीय महासन्धिअन्तर्गतको ‘राष्ट्रिय क्षेत्राधिकारभन्दा बाहिरका क्षेत्रहरूको समुद्री जैविक विविधताको संरक्षण र दिगो प्रयोग’ महासन्धिलाई समुद्री शासनसम्बन्धी सबैभन्दा महत्वपूर्ण नयाँ सन्धिको रूपमा वर्णन गर्नुभएको छ ।
यस वर्ष हुने ‘भविष्यको शिखर सम्मेलन’ र अर्को वर्ष फ्रान्समा हुने ‘संयुक्त राष्ट्र महासागर सम्मेलन’का महत्वपूर्ण अवसरहरूको उल्लेख गर्दै गुटेरेसले सरकार, व्यवसाय, लगानीकर्ता, वैज्ञानिक र समुदायलाई ‘हाम्रो बहुमूल्य समुद्री र तटीय पारिस्थितिक प्रणालीको पुनस्र्थापना र संरक्षण गर्नसक्ने कार्य गर्न प्रतिबद्ध हुन’ आहृवान गर्नुभयो । रासस/सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच