काठमाडौं । वृतचित्र ‘पचेडा’को ट्रेलर सार्वजनिक गरिएको छ । दीपेन्द्र केसीको निर्देशन रहेको चेपाङको जीवनमा आधारित वृतचित्र ‘पचेडा’को ट्रेलर सार्वजनिक गरिएको हो । मनहरी गाउँपालिका-४ का सदस्य विष्णुबहादुर प्रजाको सहयोगमा केसीले डकुमेन्ट्री तयार गर्नुभएको हो । चेपाङ जंगलमै किन बसिरहेका छन् ? उनीहरू किन अवसरका लागि शहर पस्दैनन् ? भन्ने कथालाई उहाँले डकुमेन्ट्रीमा समेटेको बताउनुभएको छ ।
‘कुनै हरहर चलचित्रको झल्को दिने भए तापनि यो वास्तविक कथा हो । वृत्तचित्रमार्फत सन्तलालको परिवारले बाँच्नका लागि गरिरहेको संघर्ष कथालाई जस्ताको त्यस्तै देखाउने कोसिस गरेको छु’, दीपेन्द्रले भन्नुभयो । उहाँले डकुमेन्ट्रीमा सन्तलाल चेपाङको कथा देखाउनुभएको छ । उक्त कथालाई उहाँले तीन सेड्युलमा खिच्नुभएको थियो ।
‘मैले त्यहाँ डकुमेन्ट्रीमात्र खिचिन्, सन्तलालको जीवनीसँग साक्षात्कार गर्ने मौका पनि पाएँ । उनीहरूको पिडालाई नजिकबाट बुझ्न पाएँ’, दीपेन्द्रले भन्नुभयो, ‘मेरो इच्छा नै उनीहरूको जीवन र समुदायमा बदलाब ल्याउनु हो । किनकी अहिलेको समयमा शहर नपसेर जंगलमै बस्नु रहर होइन ।’
उक्त डकुमेन्ट्रीमा सन्तलालसँगै उहाँको परिवार फिचर्ड छन् । उहाँकै बसाइरहेको मकवानपुर जिल्लाको मनहरि गाउँपालिकास्थित नयाँबस्तीमा खिचिएको छ । यसलाई निर्देशक दीपेन्द्रसँगै विनिता क्षेत्रीले निर्माण गर्नुभएको हो भने सहनिर्मातामा बालकृष्ण खड्गी रहनुभएको छ । वृत्तचित्रको प्रदर्शनी सोही चेपाङ बस्तीसँगै अष्ट्रेलियासहितका केही देशमा गर्ने तयारी निर्माण कम्पनी देव डी प्रोडक्सनले जानकारी दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच