काठमाडौं । वेब सिरिज ‘साहु बा’को टिजर सार्वजनिक गरिएको छ । काठमाडौंमा आयोजित एक कार्यक्रमबीच सिरिजको टिजर सार्वजनिक गरिएको हो । सिरिज चाँडै एपी वान टेलिभिजन र म्यजिक नेपालद्वारा सञ्चालित ओटिटी प्लेटफर्म ‘मोःमो म्युजिक एण्ड मुभिज’ एपमा रिलिज हुने जनाइएको छ ।
सिरिजमा अभिनेत्री प्रियंका कार्की, कविता नेपाली, विजु पार्की, नम्रता श्रेष्ठ, छुल्ठिम गुरुङ, अमितेश शाह, अमित गिरी, सरिता गिरी, सुजय योङ, रमेश अधिकारी, प्रदीप बास्तोलालगायतका कलाकारको अभिनय छ । फ्रेम इन मोसन र म्युजिक नेपालको प्रस्तुतिमा निर्माण भएको सिरिजलाई अभिनेता आयुष्मान देशराज जोशीले संगम राई र अनिस तामाङसँग मिलेर खिच्नुभएको हो ।
२४ एपिसोड निर्माण गरिएको सिरिजमा ३५० बढी कलाकारले काम गरेको निर्माण टिमले जनाएको छ । सिरिजलाई सुजय योङले निर्देशन गर्नुभएको छ । सिरिजको कथा, पटकथा तथा संवाद पनि निर्देशक योङले नै लेख्नुभएको हो । ‘साहु बा’ले प्रेम, विश्वासघात प्रतिशोधको कथा उठाएको छ । निर्माण टिमले यो सिरिजलाई एक्सन तथा क्राइम जनरामा निर्माण गरिएको बताएको छ ।
सिरिजमा प्रेम लामा र राजु तामाङको एक्सन, कुनाल कुँवरको कलर, सागर आले, मिस्टर डी र उजन शाक्यको गायन, सिर्जना पौडेलको मेकअप र रामप्रसाद चौधरी एवं चन्दन दत्तको सम्पादन छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच