काठमाडौं । नेपाल क्रिकेट संघ (क्यान) ले एसिसी महिला एसिया कप दोस्रो चरणका लागि २० खेलाडीलाई प्रशिक्षणमा बोलाएको छ । क्यानले बुधबार पहिलो चरणबाट खेलाडी छनोट गर्दै दोस्रो चरणमा २० खेलाडीलाई प्रशिक्षणमा डाकेको हो । क्यानले पहिलो चरणमा २८ खेलाडीलाई प्रशिक्षणमा बोलाएको थियो । पहिलो चरणबाट आठ खेलाडीलाई बाहिर राख्दै २० खेलाडीलाई दोस्रो चरणमा बोलाएको हो ।
एसिया कपमा नेपाल भारत, पाकिस्तान र युएई रहेको समूह ‘ए’ मा छ । समूह ‘बी’ मा आयोजक श्रीलंकासँगै बंगलादेश, मलेसिया र थाइल्याण्ड छन् । नेपालले समूह चरणको पहिलो खेल पाकिस्तानसँग १९ जुलाईमा खेल्नेछ । समूह ‘बी’ मा २१ जुलाईमा युएई र २३ जुलाईमा भारतसँग खेल्ने तालिका छ । समूहका शीर्ष दुई टोलीले सेमिफाइनलमा स्थान बनाउनेछन् । फाइनल खेल २८ जुलाईमा हुनेछ ।
नेपाली टोलीमा इन्दु बर्मा (कप्तान), रुविना क्षेत्री, सीता रानामगर, कविता कुँवर, सम्झना खड्का, कविता जोशी, काजोल श्रेष्ठ, पूजा महतो, डली भट्ट, विन्दु रावल, रोमा थापा, ममता चौधरी, कृतिका मरासिनी, राजमती ऐरी, सवनम राई, रुवि पोदार, लक्ष्मी साउद, एलिसा खाडिया, अप्सरी बेगम र अस्मिना कर्माचार्य रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच