काठमाडौं । नेपाली कांग्रेस मोलुङ गाउँपालिकाका अध्यक्ष तथा मोलुङ ५ वडाका निर्वाचित वडाध्यक्ष गोपी कार्कीको निधन भएको छ । कार्की शिवदूती माध्यमिक विद्यालय प्राप्चाको व्यवस्थापन समितिका पूर्वअध्यक्षसमेत हुनुहुन्थ्यो । केही समययता क्यान्सर रोगबाट पीडित पचास वर्षीय कार्कीको उपचारकै क्रममा काठमाडौंमा निधन भएको हो । उहाँको अन्तिम संस्कार पशुपति आर्यघाटमा गरिएको छ । कार्कीको पार्थिव शरीरमा ओखलढुंगाबाट सांसद तथा संघीय राज्यव्यवस्था समितिका सभापति, नेपाली कांग्रेसका केन्द्रीय सदस्य रामहरि खतिवडा, कोशी प्रदेशका सदस्य पूर्वमन्त्री तथा नेपाली कांग्रेसका केन्द्रीय सदस्यसहित जिल्ला पार्टीका नेताहरूले नेपाली कांग्रेसको झण्डा ओढाएर श्रद्धाञ्जली प्रकट गरेका थिए । कार्कीप्रति अन्तिम श्रद्धाञ्जली प्रकट गर्न ओखलढुंगाबाट काठमाडौंमा बसोबास गर्ने पारिवारिक सदस्यहरू, शुभेच्छुकहरू, सोलु तथा खोटाड. जिल्लाका अनेक नेता र राजनीतिक दलका सदस्यहरूको उपस्थिति थियो ।
स्व. गोपी कार्की शहीद झिलबहादुर कार्कीका कान्छा छोरा हुनुहुन्थ्यो । लोकतान्त्रिक आन्दोलनमा सक्रिय झिलबहादुर कार्कीलाई २०५६ सालमा माओवादी नामको क्रूूर जत्थाले अत्यन्त निर्ममतापूर्वक मारेको थियो । स्व. गोपीका एक छोरा, एक छोरी र पत्नी हुनुहुन्छ ।
ओखलढुंगा जिल्ला नेपाली कांग्रेसका सभापति तथा सिद्धिचरण नगरपालिकाका मेयर तेजेन्द्र खनालले एक शोक तथा समवेदना वक्तव्यमा स्व. गोपी कार्की अत्यन्त इमानदार जनप्रतिनिधि, पार्टीको उज्यालो भविष्य भएको सहकर्मी र विकासप्रेमी रहेको भन्दै उहाँको असामयिक निधनबाट परिवारले आफ्नो अभिभावक, नेपाली कांग्रेस ओखलढुंगाले एक होनहार साथी र मोलुङ गाउँपालिकाले एक योग्य जनप्रतिनिधि गुमाउनुपरेको बताउनुभएको छ ।
कार्की गत स्थानीय निर्वाचनमा मोलुङ गाउँपालिका-५ को वडाध्यक्षमा निर्वाचित हुनुभएको थियो । नेपाली कांग्रेस ओखलढुंगाका महाधिवेशन प्रतिनिधि लायन हरि दाहालले कार्कीको निधनबाट आफू मर्माहत भएको बताउँदै उहाँको योगदान जीवन्त रहने बताउनुभएको छ । शिवदूती माध्यमिक विद्यालय प्राप्चा र मोलुङ गाउँपालिकाले समेत स्व. कार्कीको योगदानको स्मरण गर्दै श्रद्धाञ्जलि प्रकट गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच