काठमाडौं । पाकिस्तान टी-२० विश्वकप क्रिकेटबाट बाहिरिएको छ । समूह ‘ए’ अन्तर्गत अमेरिकाको फ्लोरिडामा शुक्रबार राती हुने भनिएको खेल वर्षाका कारण रद्द भएसँगै पाकिस्तान प्रतियोगिताबाट बाहिरिएको हो । टससमेत हुन नसकी रद्द हुँदा दुवै टिमले एक-एक अंक बाँडे । यससँगै तालिकामा थप एक अंक जोडेसँगै अमेरिका विश्वकपको सुपर आठमा प्रवेश गरेको छ ।
जारी विश्वकपअन्तर्गत समूह ‘ए’ मा रहेको भारतले तीन खेलमा छ अंक जोडेर सुपर आठमा यसअघि नै पुगिसकेको छ । चार खेल खेलेको अमेरिका पाँच अंकसहित दोस्रो स्थानमा रहेर सुपर आठमा प्रवेश गर्दा तीन खेल खेलेको पाकिस्तान दुई अंकसहित तेस्रो स्थानमा रहँदै एक खेलअगावै बाहिरिएको हो ।
यस्तै, विश्वकप क्रिकेटमा न्युजिल्याण्डले पहिलो जित दर्ता गराएको छ । वेष्ट इण्डिजको ब्रायन लारा क्रिकेट एकेडेमी मैदानमा शनिबार बिहान सम्पन्न खेलमा न्युजिल्याण्डले युगाण्डालाई नौ विकेटले पराजित गरेको हो । जितसँगै समूह ‘सी’मा रहेको न्युजिल्याण्डले तीन खेलमा दुई अंक जोडेको छ । चार खेल खेलेको युगाण्डाको दुई अंक छ ।
युगाण्डाले प्रस्तुत गरेको ४१ रनको सामान्य लक्ष्य न्युजिल्याण्डले पाँच दशमलब दुई ओभरमा एक विकेट गुमाउँदै लक्ष्य पूरा ग¥यो । त्यसअघि टस हारेर पहिला ब्याटिङको निम्तो पाएको युगाण्डाले १८ दशमलब चार ओभरमा सबै विकेट गुमाउँदै ४० रनको योगफल बनाएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच