![अनुसूचि २ मा रहेका ९ सहकारीको कागजात माग गर्ने संसदीय छानबिन समितिको निर्णय](https://ehimalayatimes.com/wp-content/uploads/2024/06/chhanbin-samiti.jpg)
काठमाडौं । राष्ट्रिय तथ्यांक कार्यालयले सार्वजनिक गरेको नेपाल जीवनस्तर सर्वेक्षण चौथो (२०७९र८०) को तथ्यांकीय प्रतिवेदन अनुसार देशभित्र बेरोजगारी दर थप बढेको देखिएको छ।
तथ्यांकीय प्रतिवेदनले देशमा बेरोजगारी दर १२.६ प्रतिशत पुगेको देखाएको छ। यसअघि नेपाल श्रमशक्ति सर्वेक्षण २०७४–७५ ले ११.४ प्रतिशत बेरोजगार रहेको देखाएको थियो।
जीवनस्तर सर्वेक्षणका अनुसार १५ देखि २४ वर्ष उमेर समूहका २२.७ प्रतिशत युवा बेरोजगार छन्।
प्रतिवेदनका अनुसार कर्णालीमा बेरोजगारी दर सर्वाधिक २३.८ प्रतिशत छ भने मधेशमा सबैभन्दा कम ५.५ प्रतिशत मात्रै छ।
सर्वेक्षणले औपचारिक अध्ययन बढ्दै जाँदा बेरोजगारी दर घटेको देखाएको छ। स्नातक तह अध्ययन गरेकामध्ये बेरोजगारी दर ६।३ प्रतिशत मात्रै छ। स्नातकोत्तर तह उत्तीर्ण गरेकामध्ये बेरोजगारी दर २.७ प्रतिशत मात्रै छ।
औपचारिक अध्ययन नगरेकामध्ये २०.४ प्रतिशत मात्रै रोजगारीमा रहेको र ७७.३ प्रतिशत रोजगारीमा नरहेको प्रतिवेदनले औंल्याएको छ। रोजगारीमा रहेकामध्ये ८६।७ प्रतिशत गैरकृषिमूलक क्षेत्रमा छन्।
त्यसैगरी, रोजगारीमा रहेकामध्ये कृषि क्षेत्रमा रोजगारको संख्या १३.३ प्रतिशत मात्रै छ। प्रतिवेदनले १६.३ प्रतिशत महिला तलब-ज्याला नपाइने घरायसी काममा सक्रिय भएको पनि देखाएको छ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच