पाल्पा । जिल्लाको रामपुर नगरपालिका-४ मा भएको खुला वडास्तरीय पुरुष भलिबल प्रतियोगिताको उपाधि रम्भा गाउँपालिका-१ ले जितेको छ । फाइनल खेलमा रामपुर नगरपालिका-१० लाई ३-१ सेटले हराउँदै उपाधि जित्न सफल भएको हो ।
पहिलो सेटमा रम्भा-१ ले २६/२४ अंकसहित जित निकाल्न सफल भएको थियो । दोस्रो सेट १५-२५ अंकसहित गुमाउन पुग्यो । अन्ततः तेस्रो र चौथो सेट २५-२३ र २५-१९ अंकका साथ हात पार्दै रम्भा १ ले उपाधि चुमेको हो । फाइनल खेलमा पराजित भएसँगै रामपुर-१० ले द्वितीय स्थानमा चित्त बुझाएको छ । कालिका युथ क्लबको पाँचौँ वार्षिकोत्सव तथा ऐतिहासिक गंगा दशहरा मेलाका अवसरमा भएको प्रतियोगितामा तृतीय स्थान रामपुर-३ ले हासिल गरेको छ । तृतीय स्थान छनोटका लागि भएको खेलमा रामपुर-४ लाई दुई-एक सेटले हराउँदै रामपुर-३ ले तृतीय स्थान हात पारेको हो ।
यस्तै, खुला महिला भलिबल प्रतियोगितामा स्याङ्जाको कालीगण्डकी गाउँपालिका विजयी भएको छ । फाइनल खेलमा स्टेप रामपुरलाई तीन–दुई सेटले हराउँदै कालीगण्डकी विजयी बन्न सफल भएको हो ।
प्रतियोगितामा वडास्तरीय खुला पुरुष भलिबल प्रतियोगितातर्फ विजेता समूहमध्ये प्रथम, द्वितीय र तृतीय हुने समूहले क्रमशः नगद ५५ हजार पाँच सय ५५ रुपैयाँ, ३३ हजार तीन सय ३३ रुपैयाँ र २२ हजार दुई सय २२ रुपैयाँसहित ट्रफी, मेडल र प्रमाणपत्र प्राप्त गरेको छ । महिला भलिबलतर्फ विजेताले नगद २० हजार रुपैयाँ र उपविजेताले १० हजार रुपैयाँसहित ट्रफी, मेडल र प्रमाणपत्र प्राप्त गरेको छ ।
विजेता समूहलाई रामपुर नगरपालिकाका उपप्रमुख बालकुमारी थापा, नगर प्रवक्ता कपिलबहादुर खाँण, वडा नं. ४ का वडाध्यक्ष रामबहादुर रानालगायतको उपस्थितिमा पुरस्कार वितरण गरिएको थियो । प्रतियोगितामा पुरुष भलिबलतर्फ २४ र महिला भलिबलतर्फ १० समूहको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच