काठमाडौं । प्रधानमन्त्री पुष्पकमल दाहाल प्रचण्डले किसानालाई मलको अभाव हुन नदिने बताउनुभएको छ ।
प्रधानमन्त्री दाहालले २१ औं राष्ट्रिय धान दिवस तथा रोपाईं महोत्सवको अवसर पारेर शनिवार चितवनको रत्ननगरस्थित बछौलीमा आयोजित एक कार्यक्रममा बोल्दै सो प्रतिवद्धता व्यक्त गर्नुभएको हो । गत वर्ष पनि मलको धेरै हाहाकार नभएको दाबी गर्दै उहाँले यस वर्ष पनि मलको आवश्यक व्यवस्था हुने बताउनु भयो ।
उहाँले वितरण प्रणालीमा समस्या हुँदा मलको अभाव भएजस्तो देखिएको उल्लेख गर्दै अब त्यस्तो समस्या पनि आउन नदिने बताउनु भयो । प्रधानमन्त्री दाहालले खेतीबालीका लागि आवश्यक बीउविजनको व्यवस्था गर्न पनि सरकार लागि परेको बताउनु भयो । उहाँले चितवनको खेतीबालीको लागि आवश्यक सिंचाईको व्यवस्था गर्न त्रिशुली नदीको पानी टनेल खनेर शक्तिखोर पु-याउने विषयमा पनि सरकारले छलफल शुरु गरेको बताउनु भयो ।
प्रधानमन्त्री दाहालले भन्नुभयो, ‘हामी कृषि दशक घोषणा गरेको सन्दर्भमा यहाँ केन्द्रित छौं । तर मैले खेतीवाली विकासको निम्ति अनिवार्य तत्वहरु मध्ये एउटा र महत्वपूर्ण कुरा सिंचाई हो । सिंचाई सुविधा चितवनवासी जनताालाई प्राप्त होस भन्नका लागि मैले गरेको पहल यहाँ बताइयो । अहिले प्रदेशको मुख्यमन्त्रीजीले पनि नारायणी लिफ्टका सन्दर्भमा आफ्नो ध्यान गएको र बजेट छुट्टयाएको कुरा पनि गर्नु भयो । म उहाँलाई पनि धन्यवाद भन्न चाहन्छु । समग्र जिल्लाको सिंचाईको विकासको निम्ति त्रिशुली नदीलाई टनेलबाट शक्तिखोर निकाल्नेबारे पनि अहिले सरकारको विभिन्न स्तरमा छलफल चलिराखेको छ । त्यो भयो भने त्यसले धेरै चिज गर्न सक्छ । यहाँहरुलाई थाहा छ–मैले भर्खरै सुनकोशी मरिन डाईभर्सन झन्डै १३ किलोमिटर भन्दा लामो टनेलको ब्रेक थु्र गरेँ । हुन त बे्रेक थू्रक नाकढुंगा टनेलको पनि भयो । तर चितवनको पनि त्यो सम्भावना छ । त्यसबारेमा पनि छलफल चलिराखेको छ । दोस्रो चाहीँ आवश्यक तत्व मल नै हो । मलको उचित व्यवस्थापनले मात्रै उत्पादन वृद्धिलाई मद्दत गर्नसक्छ । त्यसमा पनि नेपाल सरकारको गहिरो ध्यान छ । अहिले मलको कमी हुन नदिनका निम्ति धेरै मेहनत पछि अब मल आउँदैछ । तर त्यो मल आइसकेपछि पनि वितरण प्रणाली व्यवस्थित भएन भन्ने जनगुनासो पनि मैले सुनेको छु । त्यो वितरण प्रणालीलाईं व्यवस्थित गर्ने हो भने गत साल पनि मलको धेरै हाहाकार भएको होइन । मल आवश्यक मात्रामा व्यवस्था गरिएको हो । र यस वर्ष पनि मलको व्यवस्था हुन्छ । यो पनि एउटा तत्व हो भने उचित बीउविजनको विकास पनि त्यत्तिकै महत्वपूर्ण हुन्छ । ’
प्रधानमन्त्री दाहालले सरकारले खेतीवालीका लागि सिँचाईको अभाव हुन नदिने काममा विशेष ध्यान दिएको पनि बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच