काठमाडौं । भूगर्भ सिमेन्टले जारी पुँजीको २० प्रतिशत सेयरको सार्वजनिक निष्कासन गर्ने भएको छ । कम्पनीले प्रतिसेयर अंकित मूल्य सय रुपैयाँ दरमा १२ करोड ६२ लाख ५० हजार रुपैयाँ बराबरको १२ लाख ६२ हजार पाँच सय कित्ता सेयर निष्कासन गर्ने भएको हो ।
साधारण सेयरको सार्वजनिक निष्कासनका लागि कम्पनीले नबिल इन्भेष्टमेन्ट बैंकिङलाई नियुक्त गरेको छ । कम्पनीले जारी पुँजी ६३ करोड १२ लाख ५० हजार रुपैयाँको २० प्रतिशत बराबरको सेयर सर्वसाधारण, उद्योग प्रभावित क्षेत्र, वैदेशिक रोजगारीमा रहेका नेपाली, कम्पनीका कर्मचारी र सामूहिक लगानी कोषसमेतमा बिक्री गर्नेछ ।
सोसम्बन्धी सम्झौतापत्रमा कम्पनीतर्फबाट प्रमुख कार्यकारी अधिकृत दीपकराज गिरी र नबिल इन्भेष्टमेन्ट बैंकिङतर्फबाट प्रमुख कार्यकारी अधिकृत मनिषनारायण जोशीले हस्ताक्षर गर्नुभएको छ । काठमाडौंको नक्सालमा केन्द्रीय कार्यालय रहेको कम्पनी २०७३ मंसिर १५ गते कम्पनी रजिष्ट्रारको कार्यालयमा प्रालिका रूपमा दर्ता गरी २०८० असार ७ मा पब्लिक कम्पनीमा परिणत भएको थियो ।
कम्पनीले कपिलवस्तु जिल्ला शिवराज नगरपालिका-६ मा सिमेन्ट कारखाना तथा नरपानी/खाँचीकोट, अर्घाखाँची जिल्लामा खानी सञ्चालन गर्दै आएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच