झापा । अज्ञात समूहले दक्षिण पूर्वी युरोपेली मुलुक सर्बियामा चरम शारीरिक र मानसिक यातना दिएर बन्धक बनाइएका झापाका तीन व्यक्तिको परिवारले फिरौती बापत साढे नौ लाख रुपैयाँ पठाएको छ ।
बन्धक बनाइएका पीडित परिवारले रोमानिया बस्ने रुपा खत्रीको नाममा शनिबार सो रकम पठाएको हो । इसेवामार्फत सो रकम पठाइएको बन्धक बनाइएका परिवारको आफन्त शर्मिला राजवंशीले जानकारी दिनुभयो । अपहरणकारी समूहले शुक्रबारदेखि ह्वाटस्एपमा लगातार फोन गरेर रकम नपठाए बन्धक बनाइएकाको ज्यान मार्ने धम्की दिएपछि आफूहरूले रुपाको नाममा पैसा पठाउन बाध्य भएको शर्मिलाले बताउनुभयो ।
सो समूहले झापा बाह्रदशी गाउँपालिका फूलबारीका दीपेश राजवंशी, बिर्तामोड नगरपालिका २ का ४५ वर्षीय आमाशु राजवंशी र २५ वर्षीय पशुपति राजवंशीलाई बन्धक बनाएको छ । अपहरणकारी समूहले झापा शिवसताक्षी नगरपालिका-६ शिवगञ्जका अर्का एक व्यक्तिलाई पनि बन्धक बनाएको छ ।
बन्धक बनाइएका भनिएका नेपालका ११ जनामध्ये थप दुईजना झापाकै भएको बुझिएको छ । तर, उनीहरूको उमेर समूह, नाम र ठेगाना खुल्न सकेको छैन । यद्यपि, उनीहरू दुबैजना राजवंशी समुदायका व्यक्ति भएको बुझिएको छ ।
जनही साढे ६ लाख रुपैयाँ खर्चिएर गत चैत र वैशाखमा इजिप्ट गएका उनीहरूलाई बन्धक बनाइएको हो । ११ जना नेपाली बन्धक बनाएर अपहरणकारी सो समूहले जनही साढे तीन लाख रुपैयाँ मागिरहेको र नदिए ज्यान लिने धम्की निरन्तर दिएको शर्मिलाले बताउनुभयो ।
उहाँहरूलाई बन्धक बनाएर फिरौती माग भएपछि उनीहरूको परिवार तनावमा छ । मार्ने धम्कीसहित अपहरणकारी समूहले उहाँहरूलाई हातखुट्टा बाँधेर बन्धक बनाइएको कुटपिटसमेत गरिरहेको शर्मिलाले सुनाउनुभयो । गत चैतको अन्तिम र वैशाखको पहिलो साता वैदेशिक रोजगारीका लागि इजिप्ट गएका उहाँहरू मानव तस्करीमा सम्लग्न समूहले चंगुलमा फसाएर सर्विया पुर्याएको अनुमान पीडित परिवारले दाबी गरेको छ । उहाँहरुलाई जंगलमा राखिएको छ ।
झापा मेचीनगर नगरपालिका इँटाभट्टाकी सपना राजवंशीमार्फत उहाँहरु काठमाडौंका विज्ञान खरेलको सम्पर्कमा पुगेको बताइएको छ । उनीहरू सबैलाई खरेलले नै विदेश पठाएको दाबी गरिएको छ । सपनाका श्रीमान् नरेश राजवंशी रोमानियामा छन् । नरेशमार्फत उहाँहरु विदेश गएको बताइएको छ। एजेन्ट सपनासँग बुझ्दासमेत उहाँहरूको वास्तविकता स्पष्ट हुन नस्केको शर्मिलाको भनाइ छ ।
हिमालय टाइमससँगको सम्पर्कमा शर्मिला हतार र अलिक हतास रुपमा प्रस्तुत हुनुभयो । उहाँले थप कुरा पछि गर्ने बताउनुभयो । पैसा पठाए पनि उहाँहरु सकुशल उद्दार हुने नहुने स्पष्ट नभएको शर्मिलाले बताउनुभयो । तर, पैसा पठाएपछि आफूहरू केही आशावादी भएको सुनाउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच