![प्रतिनिधिसभाबाट प्राप्त सन्देश राष्ट्रियसभामा टेबुल](https://ehimalayatimes.com/wp-content/uploads/2024/07/Narayan-Prasad-Dahal.jpg)
काठमाडौं । प्रधानमन्त्री पुष्पकमल दाहाल प्रचण्डसँग झण्डै चार घण्टा छलफल गरेर नेकपा एमालेका अध्यक्ष केपी शर्मा ओली बालुवाटारबाट बाहिरिनुभएको छ ।
दुई नेताबीच समसामयिक राजनीतिक विषय र सरकारका काम अझै प्रभावकारी बनाउनेबारे छलफल भएको प्रधानमन्त्रीकी स्वकीय गंगा दाहालले जनाउनु भएको छ ।
शनिबार ओलीले कांग्रेस सभापति शेरबहादुर देउवालाई घरमै बोलाएर तीन घण्टा छलफल गरेपछि माओवादी सशंकित छ । सो भेटमा देउवाले ओलीलाई प्रधानमन्त्रीको अफर गरेका चर्चा छ ।
कांग्रेसको यो प्रस्तावपछि आइतबारमात्रै ओली, प्रचण्ड र राष्ट्रिय स्वतन्त्र पार्टीका सभापति रवि लामिछानेले सिंहदरबारमा छलफल गर्नुभएको थियो।
कांग्रेस सभापति देउवाले आजै पार्टीको पदाधिकारी बैठक राख्नुभएको छ । ओली र देउवाको भेटपछि कांग्रेस र एमाले मिलेर सरकार बनाउनेबारे गृहकार्य अघि बढेको आँकलन छ ।
राजनीतिक स्थायित्वका लागि संविधान संशोधनमार्फत निर्वाचन प्रणाली फेर्नेबारे कांग्रेस र एमालेका नेताहरु बताउँदै आएका छन् । निर्वाचन प्रणाली सुधार गर्नुपर्नेमा दुवै दलको साझा धारणा छ ।
गत वैशाख सुरुममा पनि देउवा–ओली मिलाउने प्रयास तीव्र भएको थियो । तर, तत्कालीन अवस्थामा विभिन्न कारणले रोकिएको प्रयासले फेरि निरन्तरता पाएको विश्वस्त स्रोतको दाबी छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच