काठमाडौं । राष्ट्रिय सभामा नेकपा एमालेका संसदीय दलका नेता देवेन्द्र दाहालले सन्तुलित विकासका अवधारणाअनुसार बजेट विनियोजन हुनुपर्ने बताउनुभएको छ ।
सोमवारको राष्ट्रिय सभा बैठकमा बोल्दै उहाँले यस्तो बताउनुभएको हो । उहाँले बजेटका लागि फागुनदेखि नै छलफल शुरु भएपनि कहाँ र कसले गर्छ भन्नेकुरा जानकारीमा नरहेको बताउनु भयो । उहाँले छलफलबाट आएका सुझाव भन्दा पनि मन्त्रीले गोजीबाट निकाले योजना दिने र बजेट सोही अनुसार ल्याउने गरेको बताउनु भयो । उहाँले ५० हजारका बजेट पनि संघ सरकारबाट विनियोजन हुनेकुरा लज्जाजनक रहेको बताउनु भयो ।
उहाँले भन्नुभयो, ‘बजेटका लागि फागुनदेखि नै छलफल शुरु हुन्छ । तर कहाँ छलफल हुन्छ, कसले छलफल गर्छ, थाहा छैन । अनि लास्टमा मन्त्रीका गोजीबाट निकालेर लिस्ट दिने काम हुन्छ । यही सरकार निर्णय गर्छ, तीन करोड भन्दा तलका योजनाहरु प्रदेशमा पठाउने भन्छ, यही सरकार के गर्छ भने ५ लाख, दुई तीन लाखका पनि होलान्, कहीँ त ५० हजारका पनि छन् भन्ने सुनेको छु । केन्द्रिय बजेटमा छ । सांसदहरुको नेतृत्वमा त्यो छलफल गर्नुपर्छ । फागुनभरमा त्यो छलफल समाप्त गर्नुपर्छ । देशभरका योजना कलेक्शन गर्नुपर्छ । र सन्तुलित विकासका अवधारणाअनुसार त्यो बजेट विनियोजन गर्नुपर्छ । सबै क्षेत्रमा पुगोस् । मन्त्रीहरुका क्षेत्रमा बढी भयो भनेर हल्ला भएको छ । जो भौतिक पूर्वाधार मन्त्री भयो, जो शहरी विकास मन्त्री भयो, जोजो मन्त्रीहरु भए उहाँहरुकै क्षेत्रमा बजेट केन्द्रित भएको र ठूला ठूला नेताहरुको क्षेत्रमा भनेर आएको छ ।’
सांसद दाहालले बजेट विनियोजन गर्दा वैज्ञानिक विधि अपनाउनुपर्ने बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच