![इण्डो नेपाल सांस्कृतिक समारोह तथा छैटौं इन्टरनेशनल एक्सिलेन्स अवार्डमा सम्मान](https://ehimalayatimes.com/wp-content/uploads/2024/06/Indo-Nepal.jpg)
काठमाडौं । पत्रकार एवं लेखक गोविन्द मरासिनी गण्डकी प्रदेश युवा प्रतिभा पुरस्कारबाट सम्मानित हुनुभएको छ । पत्रकारितामार्फत गण्डकी प्रदेशको पर्यटन प्रवद्र्धनमा उल्लेखनीय योगदान पुर्याएको भन्दै गण्डकी प्रदेश, सामाजिक विकास तथा स्वास्थ्य मन्त्रालयले नगदसहित प्रथम पुरस्कार प्रदान गरेको हो । पुरस्कारको राशी नगद ५० हजार रुपैयाँ रहेको छ ।
आइतबार गण्डकी प्रदेश सामाजिक विकास तथा स्वास्थ्य मन्त्रालयमा आयोजित कार्यक्रममा उक्त मन्त्रालयका सचिव प्रकाश पौडेललगायतले मरासिनीसहित पुरस्कृत सबै व्यक्तिलाई पुरस्कार वितरण गर्नुभएको थियो । पर्यटन प्रवद्र्धन विद्यामै पर्वतका लक्ष्मणकुमार सुनारले द्वितीय पुरस्कार प्राप्त गर्नुभयो । प्रतिभा पुरस्कारका लागि मन्त्रालयले गत फागुन २४ गते आहृवान गरेको थियो । आहृवान गरिएको सूचना अनुसार जाँचबुझ र मूल्याङकबाट विभिन्न आठ विद्यामा उत्कृष्ट १३ जनालाई युवा प्रतिभा पुरस्कारबाट सम्मानित गरिएको हो ।
विगत १३ वर्षदेखि पत्रकारितामा क्रियाशील पुतलीबजार नगरपालिका-३, स्याङ्जा निवासी मरासिनीले विशेषगरी युवा, पर्यटन, राजनीतिक र समसामयिक विषयमा राष्ट्रियस्तरका विभिन्न सञ्चारमाध्यममा स्वतन्त्र रूपमा कलम चलाउने गर्नुहुन्छ । उहाँले नेपालका प्रमुख पर्यटकीय गन्तव्य, साहसिक खेल, धार्मिक पर्यटन र ग्रामीण पर्यटनलगायत विविध पर्यटन प्रवद्र्धनका लागि पत्रकारिताको माध्यमबाट काम गर्दै आउनुभएको छ ।
हाल काठमाडौंमा बसेर पत्रकारिता गरिरहनुभएका उहाँ विभिन्न सञ्चारमाध्यमा आबद्ध हुनुहुन्छ । अनलाइन पत्रकार संघका सचिवसमेत रहनुभएका मरासिनीले विभिन्न समसामयिक विषयमा अनुसन्धानात्मक लेखसमेत लेख्दै आउनुभएको छ । यसअघि उहाँ सार्क युथ लिडर अवार्ड, संकटमा सक्रिय पत्रकारिता पुरस्कारलगायत विभिन्न पुरस्कारबाट सम्मानित भइसक्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच