झापा । झापा बुद्धशान्ति गाउँपालिका-२ जयपुरका मनरथ पोखरेलको गोठमा गएराति आगलागी भएको छ । चट्याङका कारण विद्युत चुहावट हुँदा आगलागी भएको हो ।
आगलागीबाट पोखरेलको टिनको छानो भएको गोठ पूर्ण रूपमा जलेको छ । गोठमा भण्डारण गरी राखिएको ३० मन मकै, ३० क्युफिट सखुवाको काठ, कुटीकाट्ने मेसिन, त्यसमा जडान गरिएको मोटर, पराल र अन्य सामग्री जलेर खरानी भएको छ ।
आगो मेचीनगर र बिर्तामोड नगरपालिकाका दुईवटा बारुणयन्त्र, प्रहरी र स्थानीयको संयुक्त प्रयासमा नियन्त्रणमा लिइएको इलाका प्रहरी कार्यालय बुधबारेले जनाएको छ । आगलागीबाट भएको क्षतिको यकिन विवरण आएको छैन । क्षतिको विवरण संकलन भइरहेको बुधबारे प्रहरीले जनाएको छ ।
गोठमा आगो सल्किएको समयमा नै थाहा भएकोले चौपाया र मानवीय क्षति हुनबाट जोगिएको पीडित पोखरेलले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच