काठमाडौं । अख्तियार दुरुपयोग अनुसन्धान आयोगले रौतहट कटहरिया नगरपालिकानगर प्रमुख अजय प्रकाश, उपप्रमुख रीता देवी, प्रमुख प्रशासकीय अधिकृत राम प्रकाश साहसहित ११ जना विरुद्ध गैरकानूनी लाभ तथा हानी पुर्याएको आरोपमा भ्रष्टाचार मुद्दा दायर गरेको छ ।
अख्तियारका प्रवक्ता नरहरि घिमिरेका अनुसार आज उनीहरुविरुद्ध विशेष अदालत काठमाडौंमा मुद्दा दायर भएको हो ।
उनीहरुमाथि रौतहट, कटहरिया नगरपालिका, वडा नं २ स्थित जमुनिया बजारमा रहेको अधुरो सामुदायिक भवनमा आर्थिक २०७८/०७९ मा टायल्सको कामका लागि रकम बिनियोजन भएकोमा स्वीकृत लागत अनुमान बमोजिम कार्य नगरी कमसल कार्य गरी अनियमितता गरेको आरोप छ ।
रौतहट, कटहरिया नगरपालिका अन्तर्गत आर्थिक वर्ष २०७८/०७९ मा नगरपालिकाको वडा नं २ जमुनिया बजारमा रहेको अधुरो सामुदायिक भवनमा टायल्स फ्लोरिङको कार्य लागि उपभोक्ता समिति मार्फत निर्माण गर्ने गरी योजना सम्झौता गरी कार्य गर्दा भुक्तानी सिफारिस भएको नापी किताबमा ११९४.४१ वर्गमिटर रहेकोमा फिल्डमा ७२०.८१ वर्गमिटर मात्र रहेको देखिएकोले फिल्डमा भए गरेको कार्य भन्दा बढी परिमाण ४७३.६० वर्गमिटरको कार्यसम्पन्न प्रतिवेदन तयार गरी अनुगमन समितिबाट सोही परिमाणको कार्य सम्पन्न भएको भनी प्रतिवेदन दिइएको अख्तियारले जनाएको छ ।
कम काम भएकोमा बढी काम भएको देखाई रु१२,५२,९४१.९५ बढी भुक्तानी लिईरदिई भ्रष्टाचार जन्य कसुर गरेको दावी गर्दै अख्तियारले उक्त कार्यमा संलग्न देहायका प्रतिवादीविरुछ सोहीबमोजिमको सजायको माग गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच