काठमाडौं । नयाँ उपराष्ट्रपति चयनका लागि मतदान शुरु भएको छ । निर्वाचन संसद् भवनको लोत्से हलमा भइरहेको हो ।
उपराष्ट्रपति पदका लागि तीनजना प्रतिस्पर्धामा हुनुहुन्छ। सत्ता गठबन्धनबाट जसपाका रामसहाय यादव र जनमतकी ममता झा उन्नेदवार हुनुहुन्छ भने नेकपा एमालेबाट अष्टलक्ष्मी शाक्य उम्मेदवार हुनुहुन्छ ।
सत्ता गठबन्धनले उपराष्ट्रपतिमा सहमति जुटाउने प्रयास गरेपनि सफल भएन् । लोसपा, जनमत र नागरिक उन्मुक्ति पार्टीले जनमतका झालाई छुट्टै अघि सारेका हुन् ।
जसपाबाटै वैकल्पिक रूपमा उम्मेदवारी दिनुभएकी प्रमिला कुमारीले भने आफ्नो उम्मेदवारी निष्क्रिय पारेको घोषणा गर्नुभएको छ । यद्यपि, निर्वाचन कार्यक्रमअनुसार निर्धारित समयभित्र उम्मेदवारी फिर्ता नलिएकाले उहाँको नाम मतपत्रमा तस्बिरसहित कायमै छ ।
लोत्से हलमा संघ र प्रदेश सांसदका लागि छुट्टाछुट्टै दुईवटा मतदान केन्द्रको व्यवस्थापन गरिएको छ । संघीय सांसदका लागि रातो र प्रदेश सभा सदस्यका लागि हरियो रङको मतपत्र तयार पारिएको छ । मतपत्रमा चारै जना उम्मेदवारको नाम र तस्बिर राखिएको छ ।
निर्वाचनमा संघीय संसद् (प्रतिनिधिसभा र राष्ट्रिय सभा)का ३३२ र प्रदेश सभाका ५५० गरि कुल ८८२ मतदाता छन् । संघीय सांसदको मतभार ७९ र प्रदेश सांसदको ४८ मतभार रहेको छ । निर्वाचनमा ५२ हजार ६ सय २८ मतभार कायम छ ।
उम्मेदवार निर्वाचित हुन कुल मतको ५० प्रतिशतभन्दा बढी मत प्राप्त गर्नुपर्छ । ५० प्रतिशत कटाउन नसके पुनः निर्वाचन गर्नुपर्ने कानुनी व्यवस्था छ । निर्वाचन अधिकृतको कार्यालयका अनुसार निर्वाचित हुन बहुमत अर्थात् २६ हजार तीन सय १५ मत कटाउनुपर्छ ।
आठ दलीय गठबन्धनको ३२ हजार दुई सय ६७ मत छ । रामसहायको पक्षमा खुलेका सात दल कांग्रेस, माओवादी, एकीकृत समाजवादी, जसपा, लोसपा, जनमोर्चा र नागरिक उन्मुक्तिको मतभार ३१ हजार २५ छ ।
राष्ट्रपतिमा गठबन्धनकै उम्मेदवारलाई मत दिएको रास्वपा उपराष्ट्रपतिमा पनि यादवलाई सहयोग गर्ने रणनीतिमा छ । तर उसले औपचारिक निर्णय भने गरेको छैन । संसदमा रास्वपाको १ हजार ५०१ मत छ ।
ममता झालाई अघि सारेको जनमतको पक्षमा अहिलेसम्म आफ्नो दलको एक हजार दुई सय ४२ मत छ । एमालेकी अष्टलक्ष्मी शाक्यसँग १५ हजार तीन सय ९१ मत छ । दुई हजार चार सय ५० मत भएको राप्रपाले तटस्थ बस्ने निर्णय गरेको छ ।
यसबाहेक संसदमा नेमकिपासहित एक हजार १९ मत अनिर्णीत छ । निर्वाचन अधिकृतको कार्यालयले आज साँझ ६ बजेभित्र परिणाम सार्वजनिक गर्ने तयारी गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच