वासिङ्टन डिसी । पेनाल्टी सुट आउटमा इक्वेडरलाई पराजित गर्दै साविक विजेता अर्जेन्टिना सेमिफाइनलमा पुगेको छ । एनआरजी स्टेडियममा शुक्रबार बिहान सम्पन्न खेलमा इक्वेडरलाई पेनाल्टी सुट आउटमा ४-२ गोलअन्तरले पराजित गर्दै अर्जेन्टिनाले अन्तिम चारमा स्थान पक्का गरेको हो । निर्धारित ९० मिनेटको खेल १-१ गोलको बराबरीमा सकिएपछि सेमिफाइनलमा पुग्ने टोलीको छिनोफानो पेनाल्टी सुटआउट बाट गरिएको हो ।
पेनाल्टी सुट आउटमा अर्जेन्टिनाका गोलकिपर मार्टिनेजले दुई पेनाल्टी बचाउनुभयो । कप्तान लियोनल मेसीको पहिलो पेनाल्टी बारमा लाग्दा मार्टिनेजले लगातार दुई पेनाल्टी बचाउँदै अर्जेन्टिनालाई अन्तिम चारमा प्रवेश गराउनुभएको हो । अर्जेन्टिनाका लागि जुलियन अल्भारेज, एलेक्सिस म्याक एलिस्टर, गोन्जालो मोन्टिएल र निकोलस ओटामेन्डीले पेनाल्टी सुटआउटमा गोल गर्नुभयो । इक्वेडरका जोन येबोह र जोर्डी काइसिडोले मात्रै पेनाल्टी सुट आउटमा गोल गर्न सफल हुनुभयो । एन्जल मेना र एलन मिन्डाको प्रहार इमिलियानो मार्टिनेजले रोक्नुभयो ।
त्यसअघि खेलको ३५औँ मिनेटमै लिसान्ड्रो मार्टिनेजले गोल गर्दै अर्जेन्टिनालाई सुरुआती अग्रता दिलाउनुभएको थियो । उहाँले एलेक्सिस म्याक एलिस्टरको पासमा गोल गर्नुभएको थियो । ६२औँ मिनेटमा इक्वेडरले खेललाई बराबरीमा ल्याउने मौका पाएको थियो । तर, इनर भ्यालेन्सियाले पेनाल्टीमा गोल गर्न नसकेपछि मौका गुमाएको थियो । तर, दोस्रो हाफको इन्ज्युरी समयको पहिलो मिनेटमा जोन येबोहको पासमा केभिन रोड्रिग्जले गोल गर्दै खेल १-१ को बराबरीमा पुर्याउनुभएको थियो ।
अर्जेन्टिनाले अब भेनेजुएला र क्यानडा बीचको विजेताविरुद्ध सेमिफाइनलमा खेल्नेछ । सो खेल शनिबार बिहान हुनेछ । अर्जेन्टिनाले कोपा-अमेरिकामा फुटबलमा पहिलो संस्करणदेखि नै सहभागिता जनाउँदै आएको छ । अर्जेन्टिना सबैभन्दा बढी कोपा–अमेरिकाको उपाधि जित्ने राष्ट्र पनि हो । हालसम्म अर्जेन्टिनाले १५ पटक उपाधि चुमिसकेको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच