![नारायणगढ–मुग्लिन सडकमा पहिरोसँगै खसेको ढुंगाले लाग्दा बस चालकको मृत्यु](https://ehimalayatimes.com/wp-content/uploads/2024/07/chitawan-pahiro-1.jpg)
काठमाडौं । काठमाडौंबाट रौतहटको गौर गइरहेका गणपती डिलक्स बसलाई चितवनको सिमलतालमा पहिरोले बगाउँदा तीन जना यात्रुले हामफालेर आफ्नो ज्यान जोगाउन सफल हुनुभएको छ ।
रौतहटको देवाही गोनाहीका दुई जना र वृन्दावन नगरपालिकाको सिसवा धमौराका एक जनाले हाम फालेर ज्यान जोगाउन सफल हुनुभएको हो ।
उहाँहरुलाई बस खसेको स्थानबाट उद्धार गरेर अर्को बसमा चढाइ नारायणगढ पुर्याइएको छ । सामाजिकसञ्जालमा सार्वजनिक भिडियोमा ती यात्रुले आफूहरु भाग्यले बाँचेको बताउनु भएको छ ।
ती यात्रुले बस खस्न थालेपछि आफू क्याबिनतिरको झ्यालबाट हाम फालेर ज्यान जोगाएको बताउनुभयो। अरु दुई जनाले पनि त्यसैगरी ज्यान जोगाउनुभएको छ ।ती यात्रुका अनुसार उहाँसँगै क्याबिनमा चार जना पनि हनुहुन्थ्यो ।
चितवनको भरतपुर महानगरपालिका २९ सिमलतालमा पहिरोले दुईवटा यात्रु बस बगाएको छ। ती बसमा चालकसहित ६५ रहेका बताइएको छ ।
चितवनका प्रमुख जिल्ला अधिकारी इन्द्रदेव यादवका अनुसार आज बिहान ३ः३० बजे दुई बस त्रिशूलीमा खसेका हुन् । उहाँका अनुसार काठमाडौँबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल बस त्रिशूलीमा खसेका हुन् ।
![चितवनको सिमलतालमा पहिरोले दुईवटा यात्रु बस बगायो](https://ehimalayatimes.com/wp-content/uploads/2024/07/trishuli-bus-accident-1.jpg)
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच