![१८ महिनापछि ढल्यो प्रचण्ड सरकार](https://ehimalayatimes.com/wp-content/uploads/2024/07/For-News-29-2.jpg)
काठमाडौं । नेपाली राष्ट्रिय क्रिकेट टोलीका ओपनर आसिफ शेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा नियुक्त हुनुभएको छ । शुक्रबार कन्सल्टेन्सीले काठमाडौंमा एक कार्यक्रमको आयोजना गरी आसिफलाई ब्राण्ड एम्बासडर नियुक्त गरेको हो । हाललाई यो सम्झौता दुई वर्षका लागि रहेको र आवश्यकता परेमा आपसी समझदारीमा सम्झौता बढाउँदै लैजाने संस्थाले बताएको छ ।
कार्यक्रममा क्रिकेटर सेखले टी–२० विश्वकपमा अनुभवी टिमसँग खेलेर आत्मविश्वास बढेको बताउनुभएको छ । संक्षिप्त प्रतिक्रिया दिँदै उहाँले अनुभवी टिमलाई पनि हराउन सकिन्छ भन्ने आत्मविश्वास बढेको बताउनुभएको हो । उहाँले विश्वकपबाट धेरै सकारात्मक कुराहरू लिन सकिने बताउनुभयो । विश्वकपमा नेपालले गरेको उत्कृष्ट प्रदर्शनलाई लिएर नै अफगानिस्तानले आफूसँग खेल्न बोलाउनु राम्रो पक्ष भएको बताउनुभयो ।
उहाँले भन्नुभयो, ‘विश्वकपमा अनुभवी टिमहरूसँग खेलेपछि हामी पनि त्यस्ता टिमहरूलाई हराउन सक्छौं भन्ने आत्मविश्वास बढेको छ । विश्वकप खेल्न टिममा धेरै नै उत्साहित थियौं । त्यसबाट लिनसक्ने सकारात्मक कुरा पनि धेरै नै छ । अफगानिस्तानबाट पनि खेल्नलाई हामीलाई बोलाउनुभयो । यो धेरै राम्रो पक्ष हो ।’
यस सम्झौताबाट दीर्घकालीन सहकार्य बढ्ने र एक आपसमा मिलेर नेपालको खेल क्षेत्र र शैक्षिक क्षेत्रको विकासमा मद्धत पुग्ने विश्वास कन्सलटेन्सीको छ । सम्झौतापछि आशिफले विभिन्न माध्यमबाट संस्थाका गतिविधिको प्रचारप्रसारमा सहयोग गर्नुहुनेछ । संस्थाले सम्झौता रकम भने खुलाएको छैन ।
![त्रिशूलीमा कहाली लाग्दो दुर्घटना](https://ehimalayatimes.com/wp-content/uploads/2024/07/For-News-29-1.jpg)
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच