काठमाडौं । नेपाल क्रिकेट संघ (क्यान) ले टी-२० विश्वकप क्रिकेट खेलेका खेलाडी र प्रशिक्षकलाई जनही तीन लाख दिने भएको छ । क्यानको केन्द्रीय कार्यसमितिको बैठकले अमेरिका र वेष्ट इण्डिजमा भएको टी-२० विश्वकप खेलेका खेलाडी र प्रशिक्षकलाई जनही तीन लाख दिने निर्णय गरेको हो ।
अन्य सपोर्ट स्टाफलाई जनही एक लाख ५० हजारका दरले प्रोत्साहन भत्ता दिने निर्णय भएको क्यानका प्रवक्ता छुम्बी लामाले जानकारी दिनुभयो । सातवटै प्रदेश क्रिकेट संघलाई दुईजना महिला र तीनजना पुरुष खेलाडीलाई सेप्टेम्बर १ देखि लागू हुनेगरी एक वर्षसम्म जनही मासिक १५ हजार पारिश्रमिक उपलब्ध गराउने निर्णय बैठकले गरेको छ ।
क्यानले वाई–वाई यु १९ पुरुष राष्ट्रिय क्रिकेट प्रतियोगिता यही सेप्टेम्बर/अक्टोबरमा कोशी प्रदेशमा आयोजना गर्ने निर्णय गरेको छ । संघको वार्षिक कार्यक्रमअनुसार सञ्चालन गरिने एलिट कप क्रिकेट प्रतियोगिता अक्टोबर अन्तिम सातादेखि मधेस प्रदेशको जनकपुर र विरगञ्जमा आयोजना गर्ने निर्णय भएको प्रवक्ता लामाले जानकारी गराउनुभयो ।
आइसीसी यु–१९ महिला विश्वकप एशिया क्वालिफायरको तयारीस्वरूप सेप्टेम्बर १५ बाट दाङको लमहीमा प्रथम चरणको बन्द प्रशिक्षण सञ्चालनसमेत हुने क्यानले जनाएको छ ।
त्यस्तै, क्यानले लेखबहादुर क्षेत्रीको संयोजकत्वमा युनिल श्रेष्ठ र मुर्तुजा हवारी सदस्य रहने गरी तीन सदस्यीय राष्ट्रिय छनौट समिति गठन गरेको छ । संघको वार्षिक साधारणसभा असोज ११ र १२ गते गण्डकी प्रदेशको पोखरामा आयोजना गर्ने निर्णय गरिएको छ ।
आदिल आलमको निलम्बन फुकुवा प्रक्रियाबारे आवश्यक कागजात आईसीसी एन्टी करप्सन युनिटमा पेश गरी आईसीसीबाट प्राप्त निर्देशन अनुसार संघबाट निर्णय गर्ने सहमति भएको प्रवक्ता लामाले जानकारी दिनुभयो ।
सात प्रदेशका पाँच-पाँच खेलाडीलाई मासिक १५ हजार दिइने
क्यानले सातवटै प्रदेशका पाँच-पाँचजना खेलाडीलाई जनही मासिक १५ हजार रुपैयाँ दिने निर्णय गरेको हो । अब प्रत्यक प्रदेशबाट दुईजना महिला र तीनजना पुरुष गरी पाँचजनाले मासिक १५ हजार रुपैयाँ पाउने छन् । सात प्रदेशबाट १४ जना महिला र २१ जना थप खेलाडीले मासिक पारिश्रमिक पाउने छन् ।
यसैगरी आइसिसी टी-२० विश्वकप क्रिकेटमा सहभागी भएको नेपाली टोलीका खेलाडी र अफिसियललाई पनि भत्ता उपलब्ध गराउने निर्णय गरेको छ । खेलाडी र मुख्य प्रशिक्षक मोन्टी देशाईले जनही तीन लाख रुपैयाँ प्राप्त गर्दा अन्य सपोर्ट स्टाफहरूले भने जनही एक लाख ५० हजार रुपैयाँ पाउने छन् ।
एनपिएलमा आठ फ्रेन्चाइज टोली सहभागी हुने
आगामी मंसिर १५ देखि पुस ६ सम्म हुने नेपाल प्रिमियर लिग (एनपिएल) मा आठ फ्रेन्चाइज टोलीले सहभागिता जनाउने भएका छन् । नेपाल क्रिकेट संघ (क्यान) कार्यसमितिको बैठकले बिहीबार एनपीएलमा आठ टोलीलाई सहभागी गराउने निर्णय गरेको हो । क्यानले दुई वर्षअघि भारतीय कम्पनीलाई नेपाल ट्वान्टी-२० लिग आयोजनाको जिम्मेवारी दिएको थियो । त्यो लिग निकै विवादित बनेपछि क्यानले एनपिएल गर्ने निर्णय लिएको हो ।
यसैगरी बोर्ड बैठकले वाई-वाई यु-१९ राष्ट्रिय क्रिकेट प्रतियोगिता सेप्टेम्बर/अक्टोबारमा कोशी प्रदेशमा गर्ने, आइसिसी यु-१९ महिला विश्वकपको एसिया छनोटका लागि पहिलो चरणको बन्द प्रशिक्षण दाङको लमाहीमा गर्ने, पूर्वकप्तान लेखबहादुर क्षेत्रीको संयोजकत्वमा युनिल श्रेष्ठ र मुर्तुजा हवारी सदस्य रहनेगरी छनोट समिति गठन गर्नेलगायत निर्णय गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच