काठमाडौं । चलचित्र ‘फिरफिरे फिरिरी’को फर्स्टलुक पोष्टर सार्वजनिक गरिएको छ । बिन्दबासिनी क्रियसनद्वारा निर्मित हरर कमेडी जनरामा निर्माण भएको यो चलचित्रको पोष्टर सार्वजनिकसँगै सिनेमाघरमा आउने मिति पनि तय गरिएको हो । चलचित्रले आगामी कात्तिक २२ गते छठ पर्वको दिनबाट सिनेमाघरमा आउने मिति तय गरेको छ । चलचित्रको सार्वजनिक पोष्टर अनन्त घिमिरेले डिजाइन गर्नुभएको हो ।
मनोजकुमार अधिकारीले निर्माण गरेको चलचित्रको सार्वजनिक पोष्टरमा चारजना पात्रहरूलाई देखाइएको छ । स्कुटीमा बसिरहेकी युवतीलाई तीनजना युवाहरूले तानातान गर्दै गरेको देखाइएको छ । चलचित्रको नाम पहेलो रंगले हाइलाइट गरिएको छ जसमा स्लोगन ‘आज साइकल..भोलि फरारी’ लेखिएको छ ।
नवीन भट्टको निर्देशन रहेको चलचित्रमा मनोजकुमार अधिकारी, सन्दीप श्रेष्ठ, भावना उप्रेती, शंकर सेढाई, पिटर प्रिन्स, रविना केसी, पुष्प अवस्थी, सूर्यमान लिम्बुलगायत कलाकारको अभिनय छ । यसै चलचित्रबाट सन्दीप र भावनाले नेपाली रजतपटमा डेब्यु गर्दै हुनुहुन्छ ।
जितु तामाङको छायांकन, रोशन दास, प्रकाश दाहाल र अग्नि सुवेदीको सहायक निर्देशन, केशवराज भट्टको कोरियोग्राफी, एलिस कार्कीको ब्याकराउण्ड म्युजिक, प्रशान्त सिवाकोटीको संगीत, अमित श्रेष्ठको साउण्ड डिजाइन, अनन्त घिमिरेको सम्पादन तथा कलर संयोजन छ । चलचित्रलाई देशभर आर.आर फिल्मस्ले वितरण गर्नेछ । चलचित्रको डिजिटल अधिकार म्युजिक नेपालले लिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच