काठमाडौं । एसिया रग्वी महिला तथा पुरुष सेभेन्स ट्रफ्री प्रतियोगिता काठमाडौंमा हुने भएको छ । एसिया रग्वीको आयोजना र नेपाल रग्वी संघको व्यवस्थापनमा सञ्चालन हुने प्रतियोगिता असोज १८ र १९ गते दशरथ रंगशालामा सञ्चालन हुने भएको हो ।
सन् २०२२ मा एसिया रग्वी यू-१८ र सन् २०२३ मा एसिया यू-२० रग्वीको सफल आयोजनापश्चात् नेपाल रग्वी संघले एसियाली रग्वीको सबैभन्दा ठूलो प्रतियोगिता आयोजना गर्न लागेको हो । मंगलबार पत्रकार सम्मेलनको आयोजना गरेर आयोजक नेपाल रग्वी संघले प्रतियोगिता आयोजनाबारेमा जानकारी गराएको हो ।
संघका अध्यक्ष दिपक देवकोटाले प्रतियोगितामा एसियाका नेपालसहित १७ वटा देशको सहभागिता रहने जानकारी दिनुभयो । उहाँका अनुसार पुरुष रग्वी सेभेन्सतर्फ १४ वटा टिम र महिला रग्वी सेभेन्समा आठवटा टिमले सहभागिता जनाउनेछन् ।
प्रतियोगितामा एसियाका ४५० भन्दा धेरै खेलाडी तथा अफिसियल सहभागी हुने अध्यक्ष देवकोटाले बताउनुभयो । कार्यक्रम सञ्चालनका लागि करिब दुई करोड ८० लाख रुपैयाँ खर्च लाग्ने संघको अनुमान छ । प्रतियोगिताको च्याम्पियन महिला तथा पुरुष टोलीले एसिया रग्वीको ट्रफीसहित स्वर्ण पदक, दोस्रो हुनेले रजत र तेस्रो हुने टोलीले कांस्य पदक प्राप्त गर्ने पत्रकार सम्मेलनमा जानकारी दिइएको छ ।
संघका महासचिव गोविन्द घिमिरेले विश्व रग्वी महासंघको पूर्ण सदस्यता पाएपछि संघले आफ्नो गतिविधि अझ प्रभावकारीरूपमा अगाडि बढाउँदै आइरहेको बताउनुभयो । एसियाली रग्वीको सबैभन्दा ठूलो प्रतियोगिताको आयोजनाबाट नेपालको खेल पर्यटन अभिवृद्धिमा सहयोग पुग्ने विश्वास घिमिरेले व्यक्त गर्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच