काठमाडौं । सरकारले उखु र दूध किसानको बक्यौता भुक्तानीको प्रक्रिया सुरु गरेको छ । कृषि तथा पशुपन्छी विकास मन्त्रालयले रकम भुक्तानीका लागि गरेको पहलअनुसार शुक्रबार अर्थ मन्त्रालयले उखुका लागि एक अर्ब ४५ करोड ३२ लाख र दूधका लागि ६० करोड रुपैयाँ निकासा गरेको छ । यसअघि मन्त्रालयको पहलमा मन्त्रिपरिषद् बैठकले दूध किसानको भुक्तानीका लागि दुग्ध विकास संस्थान(डिडिसी) लाई उक्त रकम ऋण दिने निर्णय गरेको थियो ।
मन्त्रालयका अनुसार आठ जिल्लाका उखु किसानले गत वर्षको भुक्तानीका लागि जिल्ला कोष तथा लेखा नियन्त्रक कार्यालयमार्फत् किसानकै बंैक खातामा रकम जाने व्यवस्था गरिएको छ । कञ्चनपुर, नवलपरासी पश्चिम, सुनसरी, सिरहा, सर्लाही, महोत्तरी, रौतहट र बाराका उखु किसानले अब सरकारले उपलब्ध गराउँदै आएको गत वर्षको अनुदान रकम पाउने भएका हुन् ।
त्यस्तै लामो समयदेखि दूध बिक्रीबापतकोे रकम पाउन नसकेका दूध किसानले पनि संस्थानलाई सरकारले प्रदान गरेको ऋणमार्फत् रकम प्रदान गरिने दूग्ध विकास संस्थानका महाप्रबन्धक सूर्यप्रसाद पौडेलले बताउनुभयो । कृषि तथा पशुपन्छी विकासमन्त्री रामनाथ अधिकारीले मन्त्रालयको नेतृत्व सम्हालेपछि किसानले पाउनुपर्ने भुक्तानीका लागि पहल गर्नुभएको थियो । मन्त्री अधिकारीले दशैँअघि नै किसानको भुक्तानी गर्ने प्रतिबद्धता व्यक्त गर्र्दै आउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच