झापा । लगातारको झरीका कारण खोला नदीमा आएको बाढीले बनाउँदा झापामा तीनजना बेपत्ता भएका छन् । बेपत्ता हुनेमा एक बालिका तथा दुई पुरुष रहेको जिल्ला प्रहरी कार्यालयले जनाएको छ ।
शुक्रबार साँझ करिब ६ बजे झापाको कमल गाउँपालिका–१ स्थित किस्ने खोलामा माछा मार्ने क्रममा सोही ठाउँका ३५ वर्षीय टीकाराम चौधरीलाई खोलाले बगाएको थियो ।
हिजो नै स्थानीय जमुवा कचनकवल गाउँपालिका १ झकुवाटोलका पन्चु राजवंशीकी १४ वर्षीया छोरी नेहारिका राजवंशीलाई जमुवा खोलाले बगाउँदा बेपत्ता भएकी छन् । घटना साढे ४ बजेतिर भएको हो। घटना लगत्तै खोजीमा प्रहरी परिचालित भएपनि साँझ अबेरसम्म उनलाई फेला पार्न नसकिएको इलाका प्रहरी कार्यालय बनियानीले जनाएको छ ।
उता गौरीगञ्ज गाउँपालिका ३ र २ लाई जोड्ने हुलाकी सडकमा पर्ने किस्ने खोलाको पुलबाट हामफालेर एक व्यक्ति बेपत्ता भएका छन् । गौरीगञ्ज २ भाकुरमारी सुकुम्बासीबस्तीका ५० वर्षीय केमालाल ताजपुरिया दिउँसो ४ बजेतिर हामफालेर वेपत्ता भएको प्रहरीले जनाएको छ । खोलामा ठूलो बाढी आएकोले खोजी गर्न नसकिएको इलाका प्रहरी कार्यालय गौरीगञ्जले जनाएको छ ।
योसँगै शुक्रबार झापामा बेपत्ता हुनेको संख्या तीन पुगेको छ। ठूलो बाढी भएकोले उनीहरू तीनैजना जीवित भेटिने सम्भावना भएको सुरक्षा निकायको भनाइ छ ।
बाढीले कचनकवल १ कुट्टीबजार पूर्व सोमबारेबजार–भेलामुनीटोल जाने अदुवा खोलाको काठको पुल बगाएको छ । अहिले त्यहाँ आवागमन बन्द भएको छ।
कचनकवल गाँउपालिका २ को अमरखुट्टाखोलाले हिजो दिउँसो बगाएको प्र।१–०२–०५प ६९७८ नम्बरको मोटरसाइकल अहिलेसम्म भेटिएको छैन । चालक २७ वर्षीय रवीन भट्टराई बग्नबाट जोगिएका थिए ।
त्यस्तै झापाको अर्जुनधारा नगरपालिका ७ को बिरिङ खोलामा रहेको मोटरेवल पुलमा बाढीले पूर्ण क्षति पुर्याएको छ । पुलमा क्षति पुगेसँगै झापा खुदुनाबारी ( शनिश्वरे तथा झापा र इलामको दानाबारी क्षेत्रको आवागमन बन्द भएको छ ।
यो पनि पढ्नुहोस्
३१ बर्षपछि भरियो कुलेखानी ड्याम, दुवै ढोका खोलियो
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच