लण्डन । इंग्ल्याण्डविरुद्धको टी-२० सिरिजको पहिलो खेलमा अस्ट्रेलियाले लज्जास्पद हार बेहोरेको छ । शनिबार राती सम्पन्न खेलमा इंग्ल्याण्डले अस्ट्रेलियालाई १८६ रनको फराकिलो अन्तरले हराएको हो । हृयारी बु्रकको ८७ रन र लियाम लिभिङस्टोनको ६२ रनको मद्दतमा इंग्ल्याण्डले वर्षाले प्रभावित खेलमा ३१२ रन बनाएको थियो । तर, ३१३ रनको लक्ष्य पछ्याएको अस्ट्रेलिया १२६ रनमा अलआउट भयो ।
इंग्ल्याण्डले १०औँ ओभरमा ओपनर फिलिप साल्ट (२२) को विकेट गुमाएको थियो । विल ज्याकले पनि १० रनमात्रै बनाउनुभयो । तर, त्यसपछि बेन डन्केट र कप्तान हृयारी बु्रकले १५० रनको स्कोर पार गर्नुभएको थियो । डन्केटले ६२ बलमा ६ चौका र १ छक्काको मद्दतमा ६३ रन बनाउनुभयो । बु्रकले ५८ बलमा ११ चौका र १ छक्काको मद्दतमा ८७ रन बनाउनुभयो । जेमी स्मिथले २८ बलमा ३९ रन बनाउनुभयो ।
त्यसपछि मध्यक्रमका लियाम लिभिङस्टोन र बेथलले ५ विकेटको क्षतिमा ३१२ रनको योगफल तयार पार्नुभएको थियो । लियामले २७ बलमा ३ चौका र ७ छक्काको मद्दतमा ६२ रन बनाउनुभयो । अस्ट्रेलियाका एडम जाम्पाले दुई विकेट लिनुभयो । लक्ष्य पछ्याउने क्रममा अस्ट्रेलियाले राम्रो सुरुवात गरेको थियो । कप्तान मिचेल मार्श र ट्रेभिस हेडले पहिलो विकेटका लागि ६८ रनको साझेदारी गर्नुभयो । ट्राभिसले २३ बलमा ४ चौका र २ छक्काको मद्दतमा ३४ रन बनाउनुभयो ।
तर, त्यसपछि स्टिभ स्मिथले ५, जोस इंग्लिसले ८, मार्नस लाबुचाग्नेले ४ रनमात्रै बनाउनुभयो । कप्तान मार्शले ३४ बलमा २८ रनको योगदान दिनुभयो । अस्ट्रेलियाको मध्यक्रम नराम्ररी धरासायी भयो । एलेक्स क्यारीले १३, ग्लेन म्याक्सवेलले २, सन एबोटले १०, मिचेल स्टार्कले ३, एडम जाम्पा र हेजलवुडले रन बनाउन सक्नुभएन । इंग्ल्याण्डका म्याथ्यु पोट्सले ३८ रन खर्चेर ४, जोफ्रा आर्चरले ३३ रन दिएर २ र ब्रायडन कार्सले ३६ रन खर्चेर ३ विकेट दिनुभयो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच