दाउन्ने सडक खण्ड आज राति बन्द हुने

प्रकाश न्यौपाने नवलपरासी, संवाददाता

Tuesday October 1, 2024

Read Time = 1 min

डिजिटल संस्करण

प्रदेश समाचार

लुम्बिनी प्रदेश

A A- A+

नवलपरासी । नारायणगढ–बुटवल सडक खण्डको दाउन्ने क्षेत्रमा आज राति १० बजेदेखि भोलि बिहान ५ बजेसम्म सडक बन्द गरिने भएको छ। नवलपरासी जिल्लास्थित दाउन्ने पहाडको खुर्सानी खोलामा पर्खाल भत्किएर विद्युतको हाइटेन्सन टावर ढलेपछि सडक अवरुद्ध भएको थियो। हिजो दिउँसो ४ बजेदेखि अवरुद्ध रहेको यो सडक आज बिहान १० बजेबाट पुन: सञ्चालनमा आएको छ।

प्रमुख जिल्ला अधिकारी स्किम श्रेष्ठका अनुसार सडक अस्थायी रूपमा मर्मत गरेर दुईतर्फी रूपमा सञ्चालनमा ल्याइएको छ। तर, थप मर्मत आवश्यक भएकाले राति सवारी साधन रोकेर मर्मत कार्य गरिनेछ। अत्यावश्यक सवारी साधनलाई भने राति पनि सञ्चालन गर्न दिइनेछ।

जिल्ला प्रशासन कार्यालयका अनुसार, अवरुद्ध सडकको भित्तालाई फोडेर मर्मत कार्य भइरहेको छ, र यसले सडकमा ४ मिटरको भासिने समस्या निम्त्याएको छ।

सरोकार

यो खबर पढेर तपाईलाई कस्तो महसुस भयो ?