काठमाडौं । चावहिल फुटबल क्लबलाई ५-० ले पराजित गर्दै चित्लाङ एफसी काठमाडौं जिल्ला लिगको च्याम्पियन बनेको छ । चित्लाङलाई जित दिलाउन सुजित बुढाथोकीले दुई तथा आयुश कुँवर, रुजित पुडासैनी र विकास लामाले समान एक गोल गर्नुभयो ।
उपाधिसँगै चित्लाङले एक लाख रुपैयाँ प्राप्त गरेको छ । व्यक्तिगत विधामा पनि चित्लाङले नै कब्जा जमायो । सुजित बुढाथोकी सर्वोकृष्ट खेलाडी घोषित हुनुभयो । उहाँले पाँच हजार प्राप्त गर्नुभयो ।
चित्लाङकै सक्कल रेग्मी, चन्द्रसुन्दर श्रेष्ठ र रूपेश क्षेत्री क्रमशः उत्कृष्ट रक्षक, गोलकिपर र प्रशिक्षक चुनिनुभयो । अपराजित रहँदै च्याम्पियन बनेको चित्लाङले समूह चरणमा एसिसी क्लबलाई २-०, समाज सेवा क्लबलाई ३-० तथा सेमिफाइनलमा दक्षिणकाली क्लबलाई ४–२ ले पराजित गरेको थियो ।
जिल्ला लिगमा च्याम्पियन भएसँगै चित्लाङ अखिल नेपाल फुटबल संघ (एन्फा)ले आयोजना गर्ने प्रदेश लिगका लागि छनोट भएको छ । काठमाडौं जिल्ला फुटबल संघको आयोजनामा सम्पन्न प्रतियोगितामा १२ टोलीको सहभागिता थियो । एन्फाका उपाध्यक्ष एवं काठमाडौं जिल्ला फुटबल संघका अध्यक्ष विराटजंग शाहीलगायतले विजेतालाई पुरस्कार वितरण गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच