ओखलढुंगा । लामो समयदेखि बन्द रहेको ओखलढुंगाको एकमात्र विमानस्थल रुम्जाटार विमानस्थल सुचारु हुने भएको छ । आइतबार समिट एअरको प्लेन रुम्जाटार अवतरण गरे सँगै विमानस्थल सुचारु हुने भएको हो ।
रुम्जाटार विमानस्थल,नेपालको पुरानो विमानस्थल मध्य एक हो । पहिला–पहिला यात्रुहरुको निक्कै चाप हुने उक्त विमानस्थलमा लामो समय देखि प्लेन सन्चालनमा आउन सकेका थिएनन् । २०६९ सालमा ओखलढुंगाको हर्कपुर र उदयपुरको घुर्मी बजारको सुनकोशीमा पक्की पुल निर्माण भएपछि रुम्जाटार विमानस्थललाई असर गरेको थियो ।
ओखलढुंगालाई बीपी राजमार्गले सिधा राजधानी जोडेपछि विमानस्थल सञ्चालन हुन सकेको थिएन । टावर कार्यालय रुम्जाटारका अनुसार २०७३ साल देखि रुम्जाटार विमानस्थल पूर्णरुपमा बन्द भएको थियो । ७३ साल सम्म प्लेन आईरहेका थिए, त्यो भन्दा यता प्लेन आउनै छोडेको बताएका छन् ।
२०७६ सालमा नियमित उडाने भर्ने भनेर एकपटक टेस्ट फ्लाइट गरिएको थियो । तर त्यो एकपटक टेस्टफ्लाईट मात्रै गरियो, त्यो बाहेक प्लेन आएको थिएन । प्यासेन्जर नपाएका कारण रुम्जाटार प्लेन आउन नसकेको एअरलाइन्सले बताउदै आएको थियो । असोज महिनाको ११ र १२ गते आएको बाढीपहिरोले बिपी राजमार्ग अबरुद्ध भएपछि प्लेन सञ्चालका लागि पहल गरिएको थियो । नेपालीहरुको महान चाड दशै आउनै लाग्दा बिपी राजमार्ग अबरुद्ध भएपछि रुम्जाटारमा नियमित प्लेन सन्चालन गर्न प्रतनिधी सभा सदस्य एवं राज्यव्यवस्था तथा सुशासन समितिका सभापति रामहरि खतिवडाले पहल गर्नुभएको थियो ।
आइतबार आएको प्लेनमा आउनु भएका खतिवडाले रुम्जाटार ओर्लिएपछि भन्नुभयो; ‘हप्ताको दुइवटा प्लेन ल्याउने सहमति भएको छ, प्रत्येक हप्ताको आईतबार समिट एअर र प्रत्येक बुधबार नेपाल एअरले उडान भर्ने सहमति भएको छ ।’ उहाँका अनुसार अब प्रत्येक हप्ताको आइतबार र बुधबार रुम्जाटारमा काठमाण्डौबाट प्लने आउनेछन् । आईतबार आएको समिट एअरको प्लेनमा ४ हजार ५ सय एकतर्फी भाडामा आवतजावत भएको थियो भने अबको नियमित उडानका लागि थप छलफल गरेर भाडादर कायम गरिने बताएका छन् ।
लामो समय पश्चात रुम्जाटारमा प्लेन आउने भएपछि स्थानियबासी खुशी भएका छन् । तर प्लेन नियमित नहुनेमा भने चिन्तित छन् । ७६ सालमा पनि एकपटक प्लेन आएको र त्यो भन्दा पछाडी व्यावसायिक रुपमा प्लने उडान नगरेकोले नियमित उडान हुनेमा विश्वस्त हुन नसक्ने नागरिकको गुनासो छ । बीपी राजमार्ग अवरोध भएपछि ओखलढुंगाका नागारिकले हेटौडाको रुट प्रयोग गरेर ३ हजार ५ सय देखि ४ हजार सम्म जीप भाडा तिरेर काठमाण्डौदेखि ओखलढुंगा सदरमूकाम सम्म आउन बाध्य भएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच